Ishki ister ministri Erlan Turǵymbaev Qostanai oblysyna kelip, politsiia qyzmetin jetildirýdiń negizgi qaǵidattaryn júzege asyrý boiynsha elimizdiń Prezidenti bergen tapsyrmalaryn oryndaý barysymen tanysty. Birinshiden bul halyqpen jumys jasaýda servistik modeldi, «Politsiia qadamdyq qoljetimdilikte» printsipin jáne «Halyq únine qulaq asatyn memleket» tujyrymdamasyn engizý, dep habarlaidy "Ult aqparat".
Ministr jeke qurammen kezdesý barysynda Politsiia departamentiniń biylǵy jumysyndaǵy basym baǵyttaryn aiqyndady.
Erlan Turǵymbaev óńirdegi qylmystyń ahýaly turaqty qalypta ekenin jáne quqyq buzýshylyqtyń aldyn alýda saqshylardyń jumysy óte mańyzdy ekenin atap ótti.
– Jergilikti politsiia qyzmetin jetildirýdegi bizdiń basty mindetimiz azamattardyń qaýipsizdigi. Sondyqtan, ulttyq servistik modeliniń negizgi tulǵasy – ýchaskelik politsiia inspektorynyń tiimdi qyzmet atqarýy úshin biz barlyq jaǵdailardy jasaýdy jalǵastyratyn bolamyz, – deidi IIM basshysy.
Ministr qala ortalyǵyndaǵy jiyrma tórt myńnan astam halyqqa qyzmet kórsetetin «Naberejnyi» tirek beketine at basyn burdy. Erlan Turǵymbaev quqyq buzýshylyqtyń aldyn alýda jergilikti sherifterdiń jumysy óte mańyzdy ekenin atap ótti.
Qalanyń ortalyq aýmaǵyna alty ýchaskelik politsiia inspektory qyzmet kórsetedi. Atalmysh aýmaqta 24 myńnan astam adam turady. Halyqpen tyǵyz bailanys qurýda sheshýshi sharttardyń biri – qyzmettegi turaqtylyq, ýchaskelik politsiia inspektory 11 jyldan astam ýaqyt bir orynda tapjylmastan jumys istep kele jatyr. Ýchaskelik politsiia aǵa inspektory Erik Vaisov quqyq tártibin qamtamasyz etýde ózine politsiianyń eki erikti kómekshisi jáne úsh volonter kómek kórsetetinin baiandady.
Sondai-aq, Erlan Turǵymbaev politsiia bólimderiniń tehnikalyq turǵyda nyǵaitylý jaǵdaiyn jáne Jedel basqarý ortalyǵynyń jumysyn tekserdi. Ol 211 beinebaqylaý kamerasyn, sonyń ishinde «Qaýipsiz aýla» jobasy aiasynda turǵyn úi aýlalarynda ornatylǵan 60 beinekamerany qamtidy.
Kameralardyń kómegimen jyl basynan 60 qylmys ashyldy jáne 10 myńnan astam ákimshilik quqyq buzýshylyq anyqtaldy. Beine kameralar sanyn ulǵaitý nátijesinde oblys ortalyǵynda kóshe qylmystaryn 40 paiyzǵa derlik tómendetýge qol jetkizildi.
Sonymen qatar, IIM basshysy Qostanai oblysynda bes jyl qatarynan politsiianyń jańa úlgidegi turaqty bes beketi ashylatynyn habarlady. Qalanyń jańa shaǵynaýdandarynda tek biyldyń ózinde jańadan úsh ýchaskelik politsiia tiregi ashylady. Sonyń biri, jańa tehnikamen jabdyqtalǵan Iýbileinyi shaǵynaýdanynda óz qyzmetine kiristi.
Memleket basshysy Ulttyq qoǵamdyq senim keńesiniń otyrysynda áielderdi zorlyq-zombylyqtan qorǵaý jónindegi inspektorlardyń shtattyq sanyn ulǵaitýǵa basty nazar aýdarǵan bolatyn. Búginderi Qostanai oblysynyń árbir politsiia bóliminde osy baǵytta jumys isteitin 19 inspektor taǵaiyndaldy.
Ministr jol qaýipsizdigin qamtamasyz etý jáne jergilikti politsiia qyzmetin jetildirý, sonymen qatar ýchaskelik politsiia inspektorlary dárejesin arttyrý basym baǵyttar dep belgiledi.
