QR IIM Ákimshilik politsiia komiteti tóraǵasynyń orynbasary Serik Túsipov Armeniiadan ákelingen kólikterdi tirkeýdi keiinge qaldyrýdyń tiimsizdigin atady, dep habarlaidy QazAqparat.
«Keibir adamdar qazir azdap kúte turyp, Armeniiadan ákelingen kólikterin tamyzda tirkemek eken. Bul árekettiń esh jemisi bola qoimas. Sebebi avtokóliktiń iesinen senimhatty alýǵa nemese basqa da qujattardy jinaýǵa ýaqyt bolmai qalýy múmkin. Ekinshiden, arnaiy HQO-larǵa sol kezde júkteme kúrt ósip, ondaǵy qyzmetkerlerdiń jumys qarqynyn tejeýi yqtimal. Onyń ústine mundai jiyn epidemiologiialyq ahýal boiynsha da artyq qaýipterdi týǵyzýy múmkin», - dedi ol OKQ-da «QR azamattary Armeniiadan ákelgen avtomobilderdi tirkeý týraly» taqyrybynda ótken baspasóz máslihatynda.
