Budan bylai Halyk Bank klientterine bank bólimshelerinde qarjylyq qyzmetterdi alý úshin jeke basty kýálandyratyn qujattardy usynýdyń qajeti joq. Sebebi, atalǵan bank eGov mobile qosymshasyndaǵy «Tsifrlyq qujattar» servisine kóshti, - dep habarlaidy «Ult aqparat».
Belgili bolǵanyndai, mundai tsifrly jańalyq pen múmkindikti QR tsifrlyq damý, innovatsiialar jáne aeroǵarysh ónerkásibi ministrligi jáne «Ulttyq aqparattyq tehnologiialar» AQ-y Halyq bankimen birlesip iske asyrǵan.
«Halyk Bank klientterine barlyq jaǵymdy jańalyq pen jaqsy múmkindikterdi usynýǵa asyqpyz. Budan bylai bizdiń bank klientterine eGov mobile-da alynǵan tsifrlyq jeke kýáliktiń biregei kodyn jazý jetkilikti bolady. Bank menedjeri óziniń bazasyna biregei kodty engizedi jáne júie klienttiń jeke basyn kýálandyratyn qujatty avtomatty túrde júkteidi», - deidi bank ókili Dosbol Arystanbekov.
Eskerte keteiik, bul áreketter klientti sáikestendirý mehanizmi joǵary qaýipsizdikti qamtamasyz etedi jáne úshinshi tulǵalar tarapynan yqtimal alaiaqtyq áreketterdi boldyrmaidy.
Tsifrlyq kýálikti paidalanyp bank bólimshesinde qyzmet alý úshin:
- eGov mobile qosymshasynda avtorizatsiiadan ótińiz;
- «Servister» bóliminde «Tsifrlyq qujattardy» tańdańyz;
- jeke kýáligińizge basyńyz;
- qujatqa qoljetimdilikti ashyp;
- menedjerge ekrandaǵy alty tańbaly qysqa kodty aityńyz.
Kod avtomatty túrde qurastyrylady jáne eshqashan qaitalanbaidy.
Tsifrlyq damý, innovatsiialar jáne aeroǵarysh ónerkásibi ministrliginiń málimetinshe, qazirgi ýaqytta Tsifrlyq qujattar servisinde 15 qujat usynylǵan: QR azamatynyń jeke kýáligi, nekeni tirkeý nemese buzý týraly kýálik, balanyń týý týraly kýáligi, tegin, atyn, ákesiniń atyn ózgertý týraly kýálik, júrgizýshi kýáligi, tehpasport, kólik quralyn tirkeý týraly kýálik, diplom, zeinetker kýáligi, qandas kýáligi, stýdenttik bilet, PTR-test nátijeleri, vaktsinatsiia pasporty jáne áleýmettik ID.
Sondai-aq, qazaqstandyqtar tsifrlyq qujattardy paidalana otyryp, Kaspi.kz jáne notariýstar qyzmetin ala alady.
Aita keteiik, tsifrlyq qujattardy notariýstarda da paidalanýǵa bolady. Tsifrlyq qujattarǵa qoljetimdilik «E-notariat» servisimen integratsiialaý arqyly qamtamasyz etildi. Al internetke qoljetimdilik tolyq nemese ishinara bolmaǵan jaǵdaida qyzmetti oflain rejimde de alýǵa bolady.
Qazirgi ýaqytta «eGov mobile» qosymshasynda 1 millionnan astam paidalanýshy bar eken. 2021 jyldyń 5 aiynda 28 millionnan astam memlekettik qyzmet kórsetilse, sonyń shamamen 20 paiyzy «eGov mobile» mobildik qosymshasy arqyly usynylǵan. Smartfonda qyzmetterdi alý qajettiligin túsinip, «Ulttyq aqparattyq tehnologiialar» AQ da mobildi qosymsha arqyly alynatyn memlekettik qyzmetterdi damytýǵa niet tanytyp otyr.
Atalǵan operatordyń basqarma tóraǵasy Rostislav Koniashkinniń aitýynsha, 1 millionnan astam azamat «eGov mobile» qosymshasynyń belsendi paidalanýshysy bolyp tabylady.
«15 tsifrlyq qujat iske asyryldy. Sońǵy keisterdiń biri – 250 myńnan astam azamat qoldanǵan «vaktsinatsiia pasporty». Qazirgi kezde halyqqa qyzmet kórsetý ortalyqtarynda, temirjol tasymaldary kezinde tsifrlyq qujattar qabyldanýda, áýe tasymaldar boiynsha pilottyq joba iske qosyldy. Maýsym aiynda 5 áýejaida jáne basqa aviakompaniialarda qamtýdy keńeitý josparlanýda. «Ashyq» qosymshasy boiynsha «UAT» AQ infraqurylymyna kóshý aiasynda fýnktsionaldyń bir bóligi zamanaýi tilge kóshirildi, orkestrleý, klasterleý jáne serverlik jabdyqtaý quraldary engizildi. Osy siiaqty jumystar densaýlyq saqtaý ministrligimen de júrgizildi, óitkeni azamattardyń PTR-testileriniń nátijeleri ministrlikte jáne sol jerden kórsetilip, tartylyp jatyr» dedi spiker.
Sonymen qatar, tsifrlyq qujattardyń kómegimen HQKO-da memlekettik qyzmetterdi alýǵa, jeke kýáligin kórsetip, áýejaida tirkeýden ótýge jáne temirjol vokzalynda poiyzǵa otyrǵyzý kezinde kórsetýge bolady.
Esterińizge sala keteiik, budan bylai Halyk Bank klientterine bank bólimshelerinde qarjylyq qyzmetterdi alý úshin jeke basty kýálandyratyn qujattardy usynýdyń qajeti joq. Sebebi, atalǵan bank eGov mobile qosymshasyndaǵy «Tsifrlyq qujattar» servisine kóshti.
Belgili bolǵanyndai, mundai tsifrly jańalyq pen múmkindikti QR tsifrlyq damý, innovatsiialar jáne aeroǵarysh ónerkásibi ministrligi jáne «Ulttyq aqparattyq tehnologiialar» AQ-y Halyq bankimen birlesip iske asyrǵan.
