Illiýstratsiialyq foto
Ǵylym qyzmetkerleri kúni qarsańynda «Qazaqmys» Tobynda ónertapqyshtyq bastamalardy damytýǵa baǵyttalǵan iri joba bastalady.
Joba qyzmetkerlerdiń usynysyn jinaýmen ǵana shektelmei, innovatsiialyq qyzmetti júieli ekojúiege ainaldyrýdy kózdeidi. Ǵylymi izdenis pen jetildirýlerdi bir arnaǵa toǵystyrýdy maqsat tutatyn joba kompaniianyń basty aktivi – jumyskerlerdiń ziiatkerlik áleýetin damytýǵa basymdyq beredi.
Joba dástúrli ónertapqyshtyq baiqaý sheńberinen shyǵyp, jumyskerlerdiń praktikalyq tájiribesin tereń ǵylymi tásilmen ushtastyratyn ózara árekettestiktiń biregei modelin qalyptastyrady.
Jobanyń ǵylymi baǵyty árbir bastamany qurylymyna qarai tiisinshe damytady. Ideiany ónerkásiptik standartqa ainaldyrý úderisi myna kezeńderdi qamtidy:
- - ǴZTKJ áleýetin irikteý: tereń ǵylymi negizdeýdi qajet etetin ideialarǵa basymdyq berý.
- - Ǵylymi-tehnikalyq keńestiń (ǴTK) jumysy: tereń zertteý júrgizý jáne joǵary tehnologiialyq sheshimderdi ázirleý.
- - Synaqtan ótkizý: ǵylymi boljamdy shynaiy óndiristik jaǵdaida mindetti túrde tekserý.
Mańyzdy kezeńderdiń biri – ziiatkerlik menshikti qorǵaý. Kompaniia innovatsiialardy strategiialyq investitsiia retinde qarastyrady, sondyqtan úzdik tujyrymdamalardyń ákeletin jańalyǵy saraptalyp, korporativtik deńgeide patent jáne avtorlyq quqyq retinde tirkeledi. Bul zertteýler men ázirlemeler (R&D) salasyndaǵy qundy aktivter qorjynyn qalyptastyrýǵa múmkindik beredi.
Mundai tásildiń tiimdiligi is júzinde dáleldendi. Innovatsiialar júiesi «Qazaqmys Smelting» bólimshesinde synaqtan sátti ótti. Nebary 1 jyl 8 ai ishinde qyzmetkerler 500 tyń ideia usyndy, onyń 12%-y iske asyryldy. Bul shamamen 3 mlrd teńge ekonomikalyq paida ákeldi. Al ideia avtorlary laiyqty syiaqyǵa ie boldy.
Jańa jobany iske qosý osy baǵyttaǵy jumysty Top kóleminde júielep, ǵylym men óndiristiń turaqty damýy men qaýipsizdik úshin ózara tyǵyz bailanysta áreket etetin zamanaýi innovatsiialyq mádeniet qalyptastyrady.
