Roza Baǵlanova atyndaǵy «Qazaqkontsert» memlekettik akademiialyq kontserttik uiymynyń «Gúlder» memlekettik ansambli Qyrǵyzstanda ótken VI Dúniejúzilik kóshpendiler oiyndarynyń Nomad Fest festivali aiasyndaǵy halyqaralyq «Etno-bi» baiqaýynda Gran-pri ielendi, dep habarlaidy ult.kz.
Óner dodasyna Mońǵoliia, Túrkiia, Bolgariia, Tyva Respýblikasy, Saha Respýblikasy (Iakýtiia), Úndistan, Pákistan, Qyrǵyzstan jáne basqa da elderden kelgen kásibi ujymdar qatysty.
«Gúlder» TURAN ansambliniń mýzykasyna qoiylǵan «Er Turan» jáne STEPPE SONSE tobynyń mýzykasyna jazylǵan «Qorqyt» atty eki horeografiialyq qoiylymdy kópshilikke usyndy. Qazylar alqasy ansambldiń oryndaý sheberligimen qatar, baletmeisterlerdiń kásibi daiyndyǵyn da baǵalady. Baiqaý qorytyndysynda shyǵarmashylyq eńbektiń nátijesi retinde Anvara Sadyqova men «Gúlder» ansambli Gran-pri ielendi.
Halyqaralyq baiqaý baǵdarlamasyna Anvara Sadyqova, Almat Shámshiev, Ernur Qaryqbol jáne Dana Musanyń horeografiialyq qoiylymdary endi. Sonymen qatar festival barysynda ansambl keńeitilgen horeografiialyq baǵdarlamamen óner kórsetip, gala-kontsertte Moris Raveldiń mýzykasyna qoiylǵan «Zamana jańǵyryǵy» etno-baletin oryndady.
