Foto: gov.kz
Aqtóbede 26 jastaǵy boijetken internet-alaiaqtardyń qurbany boldy, dep habarlaidy Ult.kz.
Merekelik kúnder qarsańynda WhatsApp arqyly qońyraý alǵan ol ózin gúl jetkizý qyzmetiniń kýreri dep tanystyrǵan beitanys adamǵa senip, telefonyna kelgen kodty aityp bergen.
Keiin taǵy bir qońyraý shalǵan alaiaq ózin bank qaýipsizdik qyzmetkeri dep tanystyryp, jábirlenýshige onyń atyna nesie rásimdelip jatqanyn aityp, aqshasyn «qaýipsiz shotqa» aýdarýǵa kóndirgen.
Sóitip, boijetken 7,5 million teńgesin alaiaqtarǵa aýdaryp jibergen. Qazirgi kezde kúdiktilerdi anyqtaý úshin jedel izdestirý sharalary júrgizilýde.
