Foto: Depositphotos
QR Oqý-aǵartý ministrligi men Qazaqstannyń Grýziiadaǵy Elshiliginiń birlesken jumysy nátijesinde 7 jastaǵy Qazaqstan azamaty - qyz bala elge qaitaryldy, dep habarlaidy Ult.kz.
Balany elge qaitarý sharalary alty ai boiy júrgizildi. Osy kezeńde tiisti memlekettik organdar arasynda kelissózder ótip, grýzin tarapynyń quzyrly mekemelerimen bailanys ornatyldy. Qajetti qujattar rásimdelip, barlyq rásimder zańnamaǵa sáikes júzege asyryldy.
Qazirgi ýaqytta qyz bala qaýipsiz jaǵdaida, oǵan psihologiialyq qoldaý kórsetilýde. Sondai-aq, búginde balanyń múddesi eskerilip, zańnama talaptaryna sáikes ony otbasyna ornalastyrý máselesi qarastyrylýda.
Balanyń quqyqtaryn, qaýipsizdigin jáne jeke ómiriniń qupiialyǵyn qorǵaý maqsatynda onyń derbes derekteri men oqiǵaǵa qatysty ózge de málimetter jariia etilmeidi.
Eske sala keteiik, árbir balanyń quqyǵy men zańdy múddesi el ishinde de, shetelde de memlekettiń qorǵaýynda.
