Grýziiada maska taǵý erejesin buzǵandarǵa aiyppul salynady. Grýziia parlamentine Qylmystyq kodeks jáne Ákimshilik quqyq buzýshylyqtar týraly kodekske tiisti túzetýler engizý usynylǵan, dep habarlaidy "Ult aqparat" «Novosti-Grýziia» saityna silteme jasap.
Túzetýlerge sáikes, jabyq qoǵamdyq orynda maska taǵý erejesin buzǵan jeke tulǵaǵa 50 lari (shamamen 17 dollar) kóleminde aiyppul salynady. Osy arada, óziniń ieligindegi nemese jalǵa alyp otyrǵan jabyq qoǵamdyq orynda adamdardyń maskasyz júrýine jol bergen zańdy tulǵaǵa 500 lari (shamamen 170 dollar) kóleminde aiyppul salynady.
Zań jobasyna sáikes, qoǵamdyq kólikpen, sonymen birge metroda kele jatyp, maska taqpaǵan jolaýshylarǵa 50 lari kóleminde aiyppul salynady. Maska taqpaǵan qoǵamdyq kólik júrgizýshisi de 50 lari tóleýi tiis bolady.
Taksige keletin bolsaq (M1 sanaty), bul jaǵdaida jolaýshylar da betperde kiiýi tiis. Eger jolaýshy maska taqpasa, ózine de, taksi júrgizýshisine de 50 lari tóleýge týra keledi. Sondai-aq, eger avtomobil ishinde júrgizýshimen qosa jol júrip kele jatqandar sany tórt adamnan asatyn bolsa, barlyǵy 50 lariden tóleidi.
Ózgerister oqshaýlaý jáne karantin erejelerin buzǵandarǵa da qatysty bolady: bul jaǵdaida jeke tulǵaǵa 2 myń lari (shamamen 690 dollar), al zańdy tulǵa – 10 myń lari (shamamen 3,4 myń dollar) kóleminde aiyppul tóleidi.
