«Biyl memlekettik tapsyrysty qalyptastyrý eldiń áleýmettik-ekonomikalyq damýynyń strategiialyq basymdyqtaryna negizdeldi. 12 593 grant tehnikalyq jáne tehnologiialyq, 5 myńǵa jýyq grant pedagogikalyq, 2 690 grant aýyl sharýashylyǵy jáne veterinarlyq, 3 myń grant meditsinalyq mamandyqtarǵa bólindi», - dedi E.Saǵadiev.
Atalǵan basymdylyqtardy eseptei otyryp, 12 myń grant tehnikalyq jáne tehnologiialyq mamandyqtarǵa, 5 myńy – pedagogikalyq, 2690 grant aýyl sharýashylyq jáne veterinarlyq mamandyqqa, 3 myń grant meditsinalyq salaǵa bólindi.
Aita keterligi, bilim granttaryn ornalastyrý múmkindigine biyl 87 joǵary oqý orny ie boldy. Byltyr olardyń sany 64 bolatyn. Bul oqý oryndarynyń tizimi konkýrstyq negizde anyqtaldy
E.Saǵadiev aityp ótkendei, biyl elimizde ulttyq biryńǵai testileýge 84 041 oqýshy qatysyp, 69 789 adam synaqty sátti tapsyrǵan. Ortasha ball - 81,2. Al 74 881 adam keshendi testileýden ótip, olardyń 27 743-i shekti bal jinady. Ortasha ball – 39,9.Osylaisha, ulttyq biryńǵai testileý men keshendi testileý qorytyndysy boiynsha 97 532 adam joǵary oqý oryndaryna túsý quqyǵyna ie boldy. Bilim granttaryn taǵaiyndaý konkýrsyna 59 677 adam qatysyp jatyr. Onyń ishinde 47 342 adam (80 paiyzǵa jýyq) qazaq tilinde, 12 335 adam orys tilinde oqýǵa niet tanytty.
"Ult aqparat"
