Dúisenbi kúni Gonkongta koronavirýs juqtyrǵan 50 adam tirkeldi, dep habarlaidy QazAqparat.
SCMP basylymynyń jazýynsha, Gonkong ákimshiligi koronavirýs infektsiiasyn juqtyrǵandar sany kúrt artyp ketýine bailanysty áleýmettik qashyqtyq sharasyn kúsheitý máselesin qarastyryp jatyr.
Jalpy, QHR arnaiy ákimshilik aýdanynda 5-11 maýsym aralyǵynda 211 COVID-19 juqtyrý oqiǵasy tirkelip, olardyń 143-i ólimmen aiaqtalǵan.
Osyǵan bailanysty dúisenbiden bastap Gonkongta balabaqsha men mektepter jumysyn toqtatyp, jazǵy demalysqa erte ketedi.
Gonkongtyń densaýlyq saqtaý departamenti koronavirýstyń taralýyn boldyrmas úshin qoǵamdy tiisti áleýmettik qashyqtyqty saqtaýǵa shaqyrady. Sonymen qatar, múmkindiginshe kóshege shyqpaýdy, qoǵamdyq is-sharalarǵa barmaýdy jáne qatty qajet bolmaǵan jaǵdaida QHR ákimshilik aýdanynyń shekarasynan aspaýdy suraidy.
Keiingi resmi derekterge sáikes, Gonkongta 1469 koronavirýs indetin juqtyrý oqiǵasy tirkeldi.
