Gondýras prezidenti Hýan Orlando Ernandes ózinen jáne zaiybynan koronavirýs anqtalǵanyn málim etti, dep habarlaidy CNN.
«Demalys kúnderi ózimdi jaisyz sezindim. Al búgin maǵan COVID-19 diagnozy qoiyldy», - dep málimdedi Ernandes halyqqa joldaǵan teleúndeýinde.
Prezident ózinde syrqattyń jeńil belgileri bar ekenin jáne em qabyldap jatqanyn aitty. Sondai-aq ol dárigerlerdiń baqylaýynda bolyp, tikelei mindetterin óz úiinde qashyqtan oryndaitynyn rastady.
H.Ernandes jańa virýsty juqtyrǵan Latyn Amerikadaǵy alǵashqy prezident.
Onyń zaiyby, Gondýrastyń birinshi hanymy Ana Garsiia jáne prezidenttiń eki kómekshisi de koronavirýske shaldyqqan.
Ana Garsiiada indet simptomdary joq. Biraq diagnoz anyqtalǵannan keiin ol úiinde oqshaýlanǵan.
Búginde Djons Hopkins ýniversitetiniń málimeti boiynsha, elde koronavirýs juqtyrǵan 10 299 jaǵdai tirkelgen. Gondýrasta jańa virýstan 336 adam kóz jumdy.
