Gambling.com saity Gennadii Golovkin men Saýl «Kanelo» Alvarestiń aiqastaryn sport tarihyndaǵy 101 úzdik jekpe-jektiń qataryna qosty, dep habarlaidy "Ult aqparat" Sports.kz saityna silteme jasap.
Qazaqstan men Meksika boksshylarynyń básekelestigi reitingtiń 91-shi ornyna ornalastyrylǵan.
«Orta salmaq úzdikteri Golovkin men Alvarestiń tartysy uzaq ýaqyt jarnamalanyp, 2017 jyldyń qyrkúieginde bastaldy.
Sol kezde áli jeńilip kórmegen GGG-diń rekordy erek edi – 37-0-0, onyń 33-shi nokaýtpen aiaqtalǵan. Al «Kanelo» Floid Meivezerden jeńilgenine qaramastan, sol kezde sportta endi juldyzy jana bastaǵan edi.
Teketireske alǵashqy jekpe-jek sebep boldy. Golovkin meksikalyq qarsylasynan 12 raýndtyń 10-ynda basym túskenimen, tóreshilerdiń sheshimimen aiqas teń aiaqtaldy.
Bir jyldan keiin match-revansh bolyp, Golovkin birinshi ret jeńildi. Al «Kanelo» myqtylyǵyn dáleldep keledi», - delingen aqparatta.
