Orta salmaqtaǵy IBF jáne IBO nusqalary boiynsha álem chempiony Gennadii Golovkin (40-1-1, 35 KO) The Lockdown Tapes efirinde sporttaǵy sybailas jemqorlyq týraly pikir bildirdi, dep habarlaidy "Ult aqparat".
«Jemqorlyq, jemqorlyq jáne taǵy da jemqorlyq. Men bokstyń bolǵanyn qalaimyn, sport eń aldymen taza bolýy kerek. Iá, aýyr, men tipti ótkendi qozǵaǵym da kelmeidi. Taǵdyryma Olimpiada chempiony bolmai-aq, eńsemdi túsirmei, sportshy bolyp qalǵanyma, ishki menimdi joǵaltpaǵanym úshin alǵys aitamyn», - dedi Gennadii Golovkin.
Golovkinniń suhbaty Matchroom Boxing YouTube kanalyna salynǵan. Júrgizýshi Kris Lloid aýdarmashy arqyly GGG-ge Djonaton Benkspen birge jattyǵýdan bastap, Big Benkstegi lager, onyń otbasylyq ómiri jáne bolashaqqa arnalǵan josparlaryna qatysty birneshe suraq qoidy.
Bir ai buryn Gennadii Golovkin karantinnen keiin birinshi kezekte ne isteitinin aitqan bolatyn.
«Karantinnen keiin birinshi kezekte boks zalyna baramyn» - dep jazǵan edi Gennadii Golovkin óziniń Instagram paraqshasynda.
Keiinnen Golovkinniń (40-1-1, 35 KO) sopromoýteri Eddi Hirn qazaqstandyq boksshy kelesi jekpe-jegin qashan ótkizetinin habarlaǵan edi.
