Eýropada koronavirýs pandemiiasy baiaýlap, Eýroodaq elderi karantin sharalaryn jumsartýda. Al Germaniiada aýrýlar sany taǵy ósýde. Braziliiada koronavirýs juqtyrǵandar sany millionnan asyp, 50 myń naýqas qaitys boldy, dep habarlaidy Bi-bi-si agenttigi.
Ispaniia tótenshe jaǵdaidy alyp tastap, kóptegen Eýropa elderinen kelgen qonaqtarǵa óz shekarasyn ashty. Ispaniiada Covid-19 virýsynan 28,3 myń adam qaitys bolǵan.
Britaniiada shetelden kelgen adam 14 kúndik karantinde bolýy tiis.
Germaniiada Robert Koh atyndaǵy infektsiialyq aýrýlardy zertteý institýtynyń málimetinshe, R bazalyq kórsetkishi (bir naýqas adam juqtyrǵan adamdardyń ortasha sany) kúrt ósken: jeksenbide ol 2,88 boldy, senbide 1,79. Iaǵni, árbir aýrý juqtyrǵan 100 naýqas 288 adamǵa juqtyrady. Koh institýtynyń málimetteri boiynsha, jańa aýrý qarttar men aýrýhanalarda, bosqyndarǵa arnalǵan mekemelerde, kólik kompaniialary men et óńdeitin zaýyttarda, sondai-aq maýsymdyq aýylsharýashylyq jumysshylarynda anyqtalǵan.
Britaniiada resmi derekter boiynsha 300 000-nan astam koronavirýs juqtyrý oqiǵasy anyqtalǵan, 42500 naýqas kóz jumǵan.
Shotlandiiada besinshi kún qatarynan koronavirýs infektsiiasynan kóz jumǵandar joq, elde 2 472 patsient qaitys bolǵan.
Covid-19 virýsynan qaitys bolǵandar sany jóninen álemde AQSh-tan keiingi ekinshi orynda turǵan Braziliiada 50 myńnan astam naýqas kóz jumǵan. Djons Hopkins ýniversitetiniń málimetinshe, elde koronavirýs juqtyrý jaǵdailarynyń sany 1 millionnan asty. Munda ár táýlikte 50 myńnan astam virýs juqtyrýdyń jańa jaǵdaiy tirkeledi.
Reseide sońǵy táýlikte koronavirýstyń rastalǵan 7 728 jaǵdaiy tirkeldi. Resei Federatsiiasynda Covid-19 rastalǵan jaǵdailardyń jalpy sany - 584 680.
Iranda úshinshi kún qatarynan Covid-19 virýsynan 100-den astam naýqas kóz jumǵan. Ótken táýlikte koronavirýs juqtyrýdyń 2 368 jańa jaǵdaiy tirkeldi. Elde Covid-19 juqtyrý jaǵdailarynyń sany 205 myń.
