Jeksenbi kúngi málimetter boiynsha Germaniianyń soltústik batysyndaǵy et óńdeý zaýytynyń 1331 qyzmetkeriniń koronavirýsqa testi oń nátije kórsetken. Bul týraly Deutsche Welle agenttigi.
Bul jaǵdaiǵa qaramastan Soltústik Rein-Vestfaliianyń memlekettik premeri Armin Lashet atalǵan aýdanda karantinniń jańa rejimin engizý áli de qajet emes dep málimdedi.
«Pandemiianyń úlken qaýpi» bar. Alaida, Bilefeldke jaqyn ornalasqan Reda-Videnbriýktegi Tönnies mal soiý pýnktinde qazirgi kezde infektsiia toqtaǵan»,– dep málimdedi Lashet jeksenbi kúni baspasóz máslihatynda.
Sondai-aq, ol infektsiia halyqqa taralmaýy úshin qoldan kelgenniń barlyǵyn jasai otyryp, basqa da maqsatty sharalardy qoldanatynyn atap ótti.
Jergilikti densaýlyq saqtaý organdarynyń málimetinshe, jeksenbi kúngi jaǵdai boiynsha zaýyttyń 1331 qyzmetkeriniń testi oń nátije kórsetken. Aýrý anyqtalǵandardyń kópshiligi – Rýmyniia men Bolgariiadan kelgen qyzmetkerler. 6500-ge jýyq jumysker men olardyń otbasy músheleri karantinge alyndy.
Germaniiada koronavirýs juqtyrǵan jańa jaǵdailardyń ósim deńgeii senbi kúni 1,79-ǵa jetti.
