Germaniia ishki ister ministri Tomas de Mezer áielderdiń qoǵamdyq oryndarda býrka (páránjisi bar jamylǵy) kiip júrýine tyiym salýǵa shaqyrdy.
19 tamyzda telearnadan sóilegen Mezer "Konservatorlar bizdiń ózara birigip ómir súrýimiz úshin adamdardyń kólik júrgizgende, qoǵamdyq oryndarda, keńseler men mektepterde, ýniversitetterde, memlekettik qyzmet pen sotta bet-álpetin kórsetip júrýin zańmen talap etkimiz keletinin qoldaidy" dedi.
Ol Germaniiada býrkaǵa "oryn joǵyn" aityp, ony "bizdiń áielderdiń róli týraly túsinigimizben úilespeidi" dedi.
Budan buryn Germaniia kantsleri Angela Merkel býrka kietin áielderdiń qoǵammen iintegratsiialaný múmkindigi az ekenin, biraq oǵan tyiym salýdyń "kúrdeli saiasi jáne quqyqtyq másele" ekenin aitqan.
Germaniiada 4 millionǵa tarta musylman turady. Germaniiadaǵy musylman áielderdiń qanshasy býrka kietini týraly statistikalyq málimet joq bolǵanymen, Germaniianyń Ortalyq musylmandar keńesiniń basshylyǵy býrka kietin musylman áielder tym az deidi.
Ult portaly
