Jeńil atletikadan Qazaqstan paralimpiada quramasynyń múshesi Áliia Raeva German Gmainer halyqaralyq syilyǵynyń finalyna shyqty, dep habarlaidy "Ult aqparat".
«Joǵarydaǵy videoda - jas ana, jeńil atletikadan Qazaqstan paralimpiada quramasynyń múshesi Áliia Raeva. Biyl ol jetim balalarǵa arnalǵan otbasylyq úlgidegi SOS-balalar aýylynyń negizin qalaýshy German Gmainer halyqaralyq syilyǵynyń finalyna shyqty. Qazirgi ýaqytta Áliia 2-orynda tur. Degenmen ol daýys berip, jeńiske jetýine kómek bere alatyn otandastarynyń qoldaýyna senim artady. Nebári myna siltemege https://www.sos-childrensvillages.org/…/2020-hermann-gmeine… ótip, Áliia Raevaǵa daýys berý qajet. Bárimiz birigip, Áliianyń armanynyń oryndalýyna kómekteseiik», - dep jazdy Marat Iǵali Facebook paraqshasynda.
Áliia Raeva tserebraldy sal aýrýymen dúniege kelgennen keiin anasy birneshe kúnnen soń tastap ketken. 5 jasynan 1996 jyly Almatydaǵy SOS-balalar aýylyna ornalastyrylǵan. Áliia bala kezinde aiaǵyna úsh ret ota jasatyp, dárigerler onyń júrip ketetindigine senimsizdik bildirgen bolatyn. Biraq, ol júrip qana qoimai, paralimpiadashy da bolǵan edi.
Aita keteiik, Gmainer halyqaralyq syilyǵynyń finalyna búkil álemnen 200 úmitker bolyp, onyń 8-i, iaǵni 4 áiel, 4 erkek finalǵa shyqty. 23 shilde kúni aiaqtalatyn finaldyq daýys berýdiń qorytyndysynda eń kóp daýys jinaǵan 2 jeńimpaz tańdap alynady.
