Orta salmaqtaǵy IBF jáne IBO nusqalary boiynsha álem chempiony Gennadii Golovkin (40-1-1, 35 KO) The Lockdown Tapes efirinde óz Otanynda jekpe-jek ótkizgisi keletini týraly aitty, dep habarlaidy "Ult aqparat".
«Árine, qazaq halqy mundai keshti óz «úilerinde» ótkizýge ábden laiyq. Olar AQSh-taǵydai keremet, úlken shoýdy joǵary deńgeide kórý múmkindigine ie bolýy kerek. Halyq buǵan laiyq dep sanaimyn. Mundai shoýdan áser alyp tamashalaýǵa múmkindik berý úshin ony uiymdastyrý qajet. Men «árine, iá» dep aitar edim. Bul máselede maǵan kóp nárse bailanysty emes. Eger mundai múmkindik bola qalsa, men qýana-qýana ony jasar edim», - dep pikirin bildirdi Gennadii Golovkin.
Golovkinniń suhbaty Matchroom Boxing YouTube kanalyna salynǵan. Júrgizýshi Kris Lloid aýdarmashy arqyly GGG-ge Djonaton Benkspen birge jattyǵýdan bastap, Big Benkstegi lager, onyń otbasylyq ómiri jáne bolashaqqa arnalǵan josparlaryna qatysty birneshe suraq qoidy.
Bir ai buryn Gennadii Golovkin karantinnen keiin birinshi kezekte ne isteitinin aitqan bolatyn.
«Karantinnen keiin birinshi kezekte boks zalyna baramyn» - dep jazǵan edi Gennadii Golovkin óziniń Instagram paraqshasynda.
