The Athletic basylymynyń jazýynsha, qazaqstandyq boksshy Gennadii Golovkinniń Meksika boksshysy Saýl Alvarespen úshinshi jekpe-jegi úshin kepildengen gonorar somasy - 30 million AQSh dollary, dep habarlaidy Sports.kz.
Golovkinniń mansabynda tirkelgen barlyq syiaqynyń ishinde bul – rekordtyq soma.
Buǵan deiin 38 jastaǵy qazaqstandyqtyń kepildendirilgen gonorary 15 million dollar edi. Bul somany DAZN Golovkinge kanadalyq Stiv Rolls jáne Ýkraina boksshysy Sergei Derevianchenkomen judyryqtasqany úshin bergen.
The Athletic sondai-aq «Kanelonyń» Golovkinmen úshinshi ret judyryqtasqany úshin alatyn gonorar somasyn da jazdy. Meksikalyq juldyzǵa ol úshin kepildi túrde 45 million dollar tólenedi.
