Gaitidiń soltústigindegi Kap-Aiten qalasynda janarmai toltyrylǵan avtotsisterna jarylyp, mert bolǵandar sany 60 adamǵa jetti, dep habarlaidy QazAqparat reseilik TASS agenttigine silteme jasap.
Jarylys saldarynan taǵy 50 adam jaraqat aldy.
Seisenbi kúni Le Nouvelliste basylymy jergilikti bilik ókilderine silteme jasap, jarylys bolǵan aimaqta 20 ǵimaratqa zaqym kelgenin habarlady.
Gaiti biligi úsh kúndik Aza tutý kúnin jariialady.
«Úkimet pen Gaiti turǵyndarynyń atynan qaiǵyly oqiǵa saldarynan qaza bolǵandardyń jaqyndary men odan zardap shekkenderdiń týystaryna kóńil aitamyn. El aýmaǵynda úsh kúndiń Aza tutý kúni jariialanady»,-dep jazdy Gaitidiń Premer-Ministri Ariel Anri óziniń Twitter-degi paraqshasynda.
Aldyn ala málimetter boiynsha, avtotsisterna jergilikti ýaqyt boiynsha tún jarymynda jol boiynda aýdarylyp qalǵan. Oqiǵa bolǵan jerden ótip bara jatqandar osy jaǵdaidy paidalanyp, kólikteriniń baktaryn benzinge toltyryp alǵan. Bir sátte jarylys bolyp, onyń saldarynan kóptegen adamdar mert bolǵan jáne materialdyq shyǵyn da keltirilgen. Jarylys saldarynan kúiip qalǵan 50-ge jýyq adam aýrýhanada jatyr.
