FIFA fýtboldan 2022 jyly Katarda ótetin álem chempionatynyń oiyn kestesi jariialandy, dep habarlaidy "Ult aqparat".
Toptyq kezeńniń alǵashqy oiyny 21 qarasha kúni Ál-Hor qalasyndaǵy «Ál-Bait» stadionynda ótkiziledi. Kezdesý jarys qojaiyny - Katar jáne dúbirli dodada A tobynda synǵa túsetin qurama arasynda bolady. Bul arena 60 myńnan astam jankúierge arnalǵan. Onda toptyq kezeńdegi jáne jartylai finaldaǵy bir oiyn bolady.
Toptyq kezeńdegi oiyndar 12 kúnge sozylady. Dúbirli dodaǵa joldama alǵan quramalar 21 qarasha men 2 shilde aralyǵynda toptyq kezeńde synǵa túsedi. Ár kúnde tórt oiynnan ótkiziledi. Oiyndar elorda ýaqytymen 16.00, 19.00, 22.00, 01.00-de bolady. Al úshinshi týr men plei-off oiyndary elorda ýaqytymen 21.00, 01.00-de ótkiziledi.
Al quramalar 1/8 finalda 3-6, shirek finalda 9-10 jeltoqsan kúnderi ózara kezdesedi. Jartylai final 13 jáne 14 jeltoqsanǵa josparlanǵan. Final 18 jeltoqsanda Lýsail qalasyndaǵy 86 myń adamdy qabyldai alatyn ulttyq stadionda bolady.
