Fýtboldan Qazaqstan men Chernogoriia quramalary joldastyq kezdesý ótkizý jóninde resmi túrde kelisimge keldi, dep habarlaidy "Ult aqparat".
Qazaqstan fýtbol federatsiiasy jáne Chernogoriia fýtbol odaǵynyń bas hatshylary Bas hatshysy Azamat Aitqojin men Momir Djýrdjevats oiyndy ótkizý týraly kelisimge qol qoidy.
Atalǵan match 11 qarashaǵa belgilengen. Kezdesý Chernogoria astanasy - Podgoritse qalasynda ótkiziledi.
Esterińizge sala ketelik, Qazaqstan quramasy qyrkúiek-qarasha ailarynda Ulttar ligasy oiyndaryna qatysyp, S ligasynyń tórtinshi tobynda Albaniia, Belarýs jáne Litvamen sheberlik baiqasady. Al Chernogoriia atalǵan liganyń birinshi tobynda Kipr, Liýksembýrg jáne Ázerbaijanmen oinaidy.
Buǵan deiin eki qurama úsh márte kezdesti. Barlyǵynda Chernogoriia jeńiske jetti.
Chernogoriia quramasy 2007 jyldan beri álemdik fýtboldaǵy túrli jarystarǵa qatysyp keledi. Ázirge álem jáne Eýropa chempionattary finaldyq kezeńine shyǵa alǵan joq. FIFA jariialaǵan sońǵy reitingte olar 64-orynda tursa, Qazaqstan quramasy 118-orynda.
