Fýtboldan Qazaqstan quramasy 4 maýsymda Soltústik Makedoniiamen joldastyq kezdesý ótkizedi.
Bul jóninde Qazaqstan fýtbol federatsiiasy málim etti.
Aita ketýimiz kerek, qos qurama osy kezge deiin eshqandai kezdesý ótkizbegen. Makedondyq fýtbolshylar biyl Eýropa birinshiligi finaldyq kezeńinde S tobynda oiyn kórsetedi. Qarsylastary - Ýkraina, Niderlandy jáne Avstriia quramalary. Atalǵan doda Eýropanyń 11 qalasynda bolady.
2015 jyldan bastap bul eldiń quramasyn jergilikti maman Igor Angelovski jattyqtyrady. Qazirgi quramda Goran Pandev, Enis Bardi jáne Ezgan Alioski siiaqty belgili fýtbolshylar bar.
Kezdesý atalǵan eldiń astanasy - Skope qalasyndaǵy Toshe Proeski atyndaǵy arenada ótedi.
Esterińizge sala ketelik, qazaqstandyq quramanyń dál sol kúni Kosovomen joldastyq kezdesýi uiymdastyrylýy tiis edi. Degenmen birqatar sebepterge bailanysty ol match ótpeitin bolyp sheshildi.
2022 jylǵy álem chempionaty irikteý kezeńinde Soltústik Makedoniia J tobynda oinaýda. Úsh oiynnan alty upai jinap, týrnir kestesinde alty qurama arasynda ekinshi orynda keledi. Al Qazaqstan D tobynda eki oiynnan keiin bir upaimen besinshi orynda tur.
FIFA reitinginde Soltústik Makedoniia 62, Qazaqstan 124-orynǵa jaiǵasqan.
Aita keterligi, 7 maýsymda Qazaqstan quramasy Maltamen joldastyq kezdesý ótkizedi.
