Respýblikalyq jedel-qutqarý jasaǵynyń qutqarýshylary tumanda Almaty taýlarynda adasyp ketken týristerge kómektesti, dep habarlaidy "Ult aqparat".
Respýblikalyq jedel-qutqarý jasaǵynyń málimetinshe, 24 maýsym kúni RJQJ-ǵa taýda eki jas jigittiń adasyp ketkeni týraly aqparat kelip tústi. Aqparat boiynsha, olar «Medeý» muz aidynynyń mańynda bolǵan, taýlarda qatty jańbyr jaýǵan. Jedel top dereý izdestirý-qutqarý jumystaryna shyqty. Jolda qutqarýshylar adasqandarǵa qońyraý shalyp, jigitterdiń geolokatsiiasyn anyqtady.
«Respýblikalyq jedel-qutqarý jasaǵynyń qyzmetkerleri týristerge qarai jaiaý júrip, jol boiy jastarmen habarlasyp, olardyń ornalasqan jerin naqtylap otyrdy. Alynǵan aqparatqa súiene otyryp, jedel top Fýrmanov shyńyna qarai bet aldy (biiktigi teńiz deńgeiinen 3053 metr). Izdestirý-qutqarý operatsiiasy qatty bulttylyq pen tumanmen kúrdelene tústi, kóriný óte nashar, jańbyr jaýyp, ylǵaldanǵan shóp syrǵanaq boldy. Qutqarýshylar shyńǵa jaqyndaǵanda shamnyń jaryǵyn kórdi, vizýaldy bailanys ornatyldy. Týrister Fýrmanov shyńy mańyndaǵy baqylaý palýbasynan tabyldy, olar qatty sharshap jáne muzdap qalǵan. Eshkimge meditsinalyq kómek qajet bolmady», - dep habarlady «QR TJM RJQJ» MM baspasóz qyzmetinen.
Respýblikalyq jedel-qutqarý jasaǵynyń qyzmetkerleri taýda adasyp ketkendermen profilaktikalyq áńgime júrgizi. Týrister qaladaǵy qaýipsiz jerge jetkizildi.
