Frantsiiada barlyq jabyq qoǵamdyq orynda, onyń ishinde vokzalda, áýejaida, bankter men poshtada, dúkender men shirkeýlerde maska taǵý mindetteldi. Tártip buzýshylarǵa 135 eýro aiyppul salynady , dep habarlaidy Euronews.
14 shilde Bastiliiany azat etý kúnine bailanysty bergen suhbatynda Prezident Emmaniýel Makron elde koronavirýstyń qaityp oralý belgileri baiqalatynyn málimdedi. Biraq onyń aitýynsha, bilik buǵan daiyn.
COVID-19 belgileri bar naýqastardyń jedel járdem shaqyrýy jiilep ketken. Tek sońǵy aptada 600-den astam adam aýrýhanaǵa jatqyzylǵan. Olardyń 70-i qazirgi ýaqytta jansaqtaý bóliminde jatyr. Ótken táýlikte 14 naýqas kóz jumǵan.
Aýrýdyń jańa oshaqtary eldiń barlyq aýmaǵynda anyqtaldy. Ásirese, tórt departamentte, Frantsýz Gvianasynda, Maiottada, Maien men Jirondada jaǵdai qaýipti.
Sáýirde Frantsiia biligi apta saiyn kem degende 700 myń koronavirýsqa test ótkizýge nietti ekenin málimdegen bolatyn. Biraq búginde bul kórsetkish 300 myńnan aspaidy.
Sonymen qatar, epidemiologiialyq jaǵdaidyń nasharlaýy frantsýzdarǵa kópten kútken jazǵy demalysyn teńizde ótkizýge kedergi keltirmedi. Adamǵa lyq toly jaǵajailarda barlyǵy birdei áleýmettik qashyqtyqty saqtamaidy.
