Foto: Gov.kz
Jambyl atyndaǵy Qazaq memlekettik akademiialyq filarmoniiasynyń sahnasynda Fransis Pýlenktiń «Adam daýysy» monooperasy kórermenge alǵash ret qazaq tilinde jol tartty, dep habarlaidy Ult.kz.
Týyndy Jan Koktonyń pesasy negizinde jazylǵan. Buǵan deiin shyǵarma aǵylshyn, italiia, orys, ispan, japon, káris jáne ýkrain, tipti ym-ishara tilderinde sahnalansa, búgin bul qatarǵa qazaq tili de qosyldy.
2023 jyly pesany M. Áýezov atyndaǵy Qazaq ulttyq drama teatry «Daýys» degen ataýmen sahnalaǵan. Qoiylymdy qazaq óneriniń maitalmany Tuńǵyshbai Jamanqulov aýdaryp, rejisser Barzý Abdýrazakov sahnalap, kópshiliktiń ystyq yqylasyna bólengen edi.
Al búgin atalǵan týyndy jańa formatta monoopera janrynda kórermenge usynylyp otyr.
Keshtegi jalǵyz keiipkerdiń monologyn Qazaqstannyń eńbek sińirgen qairatkeri Dáriia Júsip oryndady. Kúrdeli vokaldyq partiiany daiyndaýǵa belgili ustaz, ánshi Galina Qaramoldaeva atsalysqan.
Operany belgili dirijer Qanat Omarov bastaǵan T. Ábdirashev atyndaǵy QR Memlekettik akademiialyq simfoniialyq orkestri sátti súiemeldep, sapaly mýzyka usyndy. Qoiylym rejisseri – Farhat Moldaǵali.
Kesh sońynda shyǵarmashylyq ujymǵa QR mádeniet jáne aqparat ministrliginiń atynan yqylas gúli tabystaldy.
