Foto: Qazaqkontsert
Aljir Halyq Demokratiialyq Respýblikasynda Qazaqstan Respýblikasynyń "FORTE TRIO" Memlekettik triosynyń kontserti ótti. Is-shara ujymnyń gastroldik týry aiasynda uiymdastyrylyp, eki el arasyndaǵy diplomatiialyq qatynastardyń 30 jyldyǵyna arnaldy.
Bul óner keshi Qazaqstan men Aljir arasyndaǵy mádeni dialogtyń mańyzdy bóligine ainaldy - órkenietterdiń tarihi joldary toǵysqan, kórkem dástúrlerdiń ózara yqpaldastyǵy qalyptasqan keńistikte ótti.
Kontsert Qazaqstan Respýblikasynyń Aljirdegi Elshiligi men Aljir Halyq Demokratiialyq Respýblikasynyń Mádeniet jáne óner ministrliginiń qoldaýymen ótti.
Foto: Qazaqkontsert
Kontserttiń qurmetti qonaqtary qatarynda Qazaqstan Respýblikasynyń Aljirdegi Tótenshe jáne Ókiletti Elshisi Anýarbek Ahmetov, diplomatiialyq korpýs ókilderi, eldiń mádeni jáne shyǵarmashylyq ziialy qaýymy boldy. Sondai-aq is-sharaǵa Aljir Mádeniet jáne óner ministrliginiń apparat basshysy Nassera Aiaishiia hanym jáne Aljir Syrtqy ister ministriniń memlekettik hatshysy Sofian Shaib qatysty.
Kontsert anshlagpen ótip, 1400 kórermen jinaldy. Bul aljirlik kórermenniń qazaqstandyq akademiialyq ónerge degen joǵary qyzyǵýshylyǵyn kórsetti.
Foto: Qazaqkontsert
Kesh baǵdarlamasy eýropalyq klassikalyq dástúrden bastap zamanaýi kompozitorlar men qazaq mýzykasyna deiingi keń aýqymdy qamtydy. «FORTE TRIO» memlekettik triosy interpretatsiialary stildik dáldigimen, ansambldik úilesimimen jáne avtorlyq mátinge degen uqyptylyǵymen erekshelendi.
Kontsert Aljir ulttyq simfoniialyq orkestriniń súiemeldeýimen, dirijior, Aljir Operasynyń jetekshisi jáne halyqaralyq simfoniialyq jobalardyń qatysýshysy Lotfi Saididiń basqarýymen ótti. Birlesken oryndaý joǵary kásibi ózara áreket deńgeiin kórsetip, keshtiń kórkemdik tujyrymdamasynyń mańyzdy bóligine ainaldy.
Keshtiń erekshe sáti kútpegen bis boldy - «FORTE TRIO» memlekettik triosy rai stilindegi aljirlik áýendi oryndap, kórermen zor qoshemet kórsetti.
«FORTE TRIO» memlekettik triosynyń óner kórsetýi aljirlik kórermen tarapynan jyly qabyldanyp, zor qoshemetke ie boldy. Kontsert mádeni almasýlardyń halyqaralyq yntymaqtastyqtyń turaqty formaty retindegi mańyzyn aiqyndap, akademiialyq ónerdiń memleketaralyq dialogtaǵy rólin kórsetti.
Foto: Qazaqkontsert
Aljirde ótken bul joba ujymnyń joǵary halyqaralyq mártebesin jáne qazaqstandyq oryndaýshylyq mekteptiń álemdik sahnalardaǵy suranysyn taǵy bir márte dáleldedi.
Qazaqstan Respýblikasynyń «FORTE TRIO» Memlekettik triosynyń quramynda - kórkemdik jetekshi, Qazaqstannyń eńbek sińirgen qairatkeri Timýr Ýrmancheev (fortepiano), halyqaralyq baiqaýlardyń laýreattary Maksat Júsipov (skripka) jáne Mýrat Narbekov (violonchel) bar. Ujym mýzykanttary R. Baǵlanova atyndaǵy «Qazaqkontsert» RMQK jáne E. Rahmadiev atyndaǵy Memlekettik akademiialyq filarmoniianyń ártisteri.
