«Eco Almaty» JShS-niń basshysy Janna Asanova Almaty tsirkiniń janyndaǵy sýburqaqtaǵy jaǵdaiǵa qatysty túsinik berdi, dep habarlaidy "Ult aqparat".
Janna Asanova óziniń Facebook-tegi resmi paraqshasynda zardap shekkenderdiń tezirek saýyǵyp ketýin tilep, sýburqaqtyń tehnikalyq jaǵdaiyna toqtaldy. Ol sýburqaqta «Shomylýǵa tyiym salynady!» degen eskertý taqtashasy ornatylǵanyn atap ótti.
«Eresekterdiń balalardy sýǵa jibermeýine osy jetkiliksiz be? Elektr qaýipnen basqa, onda elektr sorǵylary da bar, olar tipti óndirýshiniń 100% elektr oqshaýlaýyna kepildik bermeidi - sýdyń ózi de qaýipti. Fontandar da sý aǵyp jatqan joq, ol toltyrylǵan sý. Tipti jii aýystyrylatyn bolsa da, ol adam densaýlyǵyna, ásirese, balalardyń densaýlyǵyna qaýip tóndiredi. Nege deseńiz, úi janýarlary da, jertóleler men kóshede júretin mysyqtar men itter de sýburqaqtarǵa shomylyp, tabiǵi qajettilikterin jeńildetetini eshkimge qupiia emes. Jazda qańǵybastar da sýburqaqtarǵa shomylady», - dep jazdy ol.
Sonymen qatar, ol oqys oqiǵaǵa da toqtaldy.
«19 maýsym kúni kúndizgi saǵat 15.00-16.00 aralyǵynda Qazaq memlekettik tsirki ǵimaratynyń janyndaǵy sýburqaqta oqys oqiǵa boldy, úsh adam sýda jaraqat aldy: kámeletke tolmaǵan eki bala jáne bir eresek adam. Ekinshi qyzdyń aitýynsha, ol qurbysymen birge sýburqaqtyń janynda oinap júrgen. Dosy osy sýburqaqta júzýge bel býyp, fontanǵa túsken. Bir kezde dosy bir nársege ilinip, esinen tanyp, sýǵa qulap tústi. Onyń artynan qyzdyń anasy sýǵa sekirip, ol da esinen tanyp qalǵan. Qyz olarǵa kómektespek bolyp, olardyń qoldarynan ustaǵan kezde ony da toq soqqan. Ol da esinen tanyp qaldy. Alaida, esin tez jidy. Qosymsha aqparat boiynsha, qyz qondyrǵynyń temir bóligin qolymen ustap alǵan. Kýáger úsheýin de sýburqaqtan shyǵaryp aldy. Jedel járdem brigadasy olardy aýrýhanaǵa alyp ketti», - dep atap ótti ol.
Janna Asanovanyń aitýynsha, eger sýda toq bolsa, onda bala ortaǵa deiin jete almaityn edi.
«Maýsym bastalǵaly beri sýburqaqqa adamdar kóp jinaldy. Ádette, olardyń kópshiligi qaýipsizdik erejelerin eskermei, jumys istep turǵan sýburqaqta shomylady. Kezekshi qyzmetkerler únemi balalarǵa da, olardyń ata-analaryna da sýǵa túsýge bolmaitynyn jáne onyń qaýipti ekenin túsindiredi. Oqiǵa bolǵan kúni sýburqaq qalypty rejimde jumys istegen. Kúnniń birinshi jartysynda kezekshi tehnikalyq maman birneshe ret sýburqaq tostaǵyn tazalap, jumys istep turǵan sýburqaqtyń ishindegi qondyrmasyn (aǵyndardy) retteý boiynsha jumys istegen, bul atalǵan oqiǵa bolǵanǵa deiin sýburqaq jabdyǵynyń tutastyǵy men qaýipsizdigin rastaidy», - dep jazdy ol.
