Filippin biligi saǵatyna 115 mil jyldamdyqpen kelgen Vongfong (Vongfong) taifýnyna bailanysty ondaǵan myń adamdy evakýatsiialaýǵa májbúr boldy. Qazirgi ýaqytta elde koronavirýstyń taralý qaýpi saldarynan qatań oqshaýlaný rejimi engizilgeni atalyp ótildi, dep habarlaidy CNN.
Taifýn jergilikti ýaqyt boiynsha beisenbi kúni túste Samar aralynyń shyǵys bóliginde boldy. Bul - Tynyq muhitynyń batys bóliginde biyl bolǵan birinshi taifýn.
Filippin ýaqyty boiynsha juma tańǵy saǵat 8-degi jaǵdai boiynsha Filippin atmosferalyq, geofizikalyq jáne astronomiialyq qyzmetter basqarmasy sońǵy ret taifýnnyń San-Andres qalasynyń jaǵalaýynda saǵatyna 9 mil jyldamdyqpen soltústik-batysqa qarai bara jatqanyn málim etti.
San-Andres Lýson aralynda ornalasqan. Ol el astanasynan ońtústik-shyǵysqa qarai shamamen 140 mil (225 kilometr) qashyqtyqta ornalasqan.
Zardap shekken Samar aýdanyna jaqyn mańda 200 myń adam turatyny habarlandy.
Koronavirýs pandemiiasyna bailanysty engizilgen shekteý sharalary jappai evakýatsiialaý protsesin qiyndatyp jatyr.
Filippinde qazirgi ýaqytta 50 millionnan astam adam qatań oqshaýlaný rejiminde ómir súrip jatyr, Djon Hopkins ýniversitetiniń málimetinshe, elde 11 876 adam aýrý juqtyrǵan.
