Áleýmettik jelilerde jaqyn arada Iandeks.Karta qosymshasynda COVID-19 qarsy vaktsina almaǵan adamdardyń meken jailarynyń tolyq tizimi kórsetiletini týraly jańalyqtar tarady. Mundai shara egilgen nemese densaýlyǵyna bailanysty ekpe jasai almaityndarǵa qamqorlyq tanytýǵa baǵyttalǵan eken. Bul - jalǵan, dep habarlaidy Stopfake.kz saity.
Derekkóz – «Panorama» aqparat agenttigi. Bul - satiralyq basylym, ol shynaiy aqparatty jylyna bir ret, 1 sáýirde ǵana jariialaidy. Qalǵan kúnderi ázil jańalyqtar usynady.
Demek, Iandeks.Karta qosymshasy vaktsinatsiialanbaǵan adamdardyń meken jaiyn kórýge múmkindik beretin arnaiy filtrdi iske qosqany týraly aqparat jalǵan.
Buǵan deiin biz «Panorama» AA satiralyq jańalyqtary shyn dep usynylǵan jaǵdailar týraly jazǵan bolatynbyz. Mysaly, adamdar túsirilim toby HǴS-da jasalǵan jazbalardy joǵaltyp aldy, GUCCI sán úii Leninniń denesine kostiýmder tigedi, sondai-aq Kieli kitapqa LGBT-ny zańdastyratyn túzetýler engizildi degenge senip qalǵan.
