Qaznet paidalanýshylary pandemiia kezinde jumys isteýge májbúr bolǵanyna qaramastan, azyq-túlik dúkenderiniń satýshylary men sýpermarketterdiń kassirleri COVID-19-ben aýyrmaidy dep oilanyp qaldy. Keibireýleri dúken qyzmetkerleriniń arasynda indet oshaǵy bolmaǵandyqtan, pandemiia oidan shyǵarylǵan dep sanaidy. Bul - jańsaq pikir. Nege ekenin stopfake.kz saity túsindirdi.
Birinshiden, COVID-19 pandemiiasynyń basynda álem boiynsha saýda úileri men dúkenderinde turaqty túrde dezinfektsiialaý siiaqty qosymsha qaýipsizdik sharalary engizildi, kassalarǵa qorǵanys áinekteri ornatyldy. COVID-19 diagnozy rastalǵan adamdar karantinge qamaldy, demek olar azyq-túlik dúkenderine barmady.
Ekinshiden, satýshylar men kassirler COVID-19–ben aýyrmaityny mif. Máselen, ótken jyldyń sáýir aiynda AQSh-ta azyq-túlik dúkenderiniń kem degende 41 qyzmetkeriniń qaitys bolǵany týraly habarlandy.
Keiinnen bul kórsetkish artty. Biyl qyrkúiek aiynda Shtattarda qaitys bolǵan 500 saýda qyzmetkeri týraly habarlandy.
Azyq-túlik jáne saýda qyzmetkerleriniń halyqaralyq odaǵy aǵymdaǵy jyldyń sáýir aiynda dúken qyzmetkerleri arasynda COVID-19 juqtyrýdyń kem degende 91 400 jaǵdaiy tirkelgeni týraly habarlady.
Satýshylar men kassirler arasynda COVID-19 simptomsyz tasymaldaýshylarynyń sany alańdaýshylyq týdyrady. Ótken jyldyń qazan aiynda retsenziialanǵan BMJ ǵylymi jýrnalynda jariialanǵan maqalaǵa sáikes, COVID-19-ǵa test tapsyrǵan dúkender men saýda ortalyqtary qyzmetkerleriniń 76%-y aýrýdyń simptomsyz tasymaldaýshysy bolyp shyqty.
E1.ru. basylymy da «aýyrmaityn» satýshylar qubylysyna qatysty túsinik berdi. Saýda qyzmetkerleri arasyndaǵy aýrýshańdyqqa qatysty maqalada iri sýpermarketterdiń kassirleriniń kóbinde SARS-CoV-2 virýsyna antideneler anyqtaldy, bul olardyń jeńil nemese simptomsyz túrde aýyrǵanynyń jáne dárigerlerge júginbegeniniń belgisi.
Saýda qyzmetkerleri KVI-men aýyrmaidy jáne osy aýrý saldarynan ólmeidi degen teoriia durys emes. Demek, pandemiia – bul álemdik qastandyq degen tujyrymǵa da senýdiń qajeti joq. Bul qastandyq teoriiasyn týraly biz egjei-tegjeili jazǵan bolatynbyz.
