Áleýmettik jelilerde qazaqstandyqtar Pfizer/BioNTech kompaniialary óndirgen Comirnaty vaktsinasyn talqylaýda, ony elimizde júkti, bala emizetin jáne 12 jastan asqan balalardy vaktsinatsiialaý úshin qoldanady. Keibir paidalanýshylardyń pikirinshe, preparat - óte qaýipti, sebebi bul júrek qaterli isigin týdyrady. Bul - jalǵan, dep habarlaidy stopfake.kz saity.
Mundai boljamdar sirek janama áserler – buǵan deiin perikardit jáne miokardit, júrek bulshyqetiniń jáne onyń qabyǵynyń qabynýy týraly habarlanǵandyqtan shyqqan bolar. Bul týraly aqparat Aýrýlardy baqylaý jáne aldyn alý ortalyǵynyń resmi saitynda jariialanǵan.Onda janama áserler bolǵan patsientterdiń kóbi qysqa ýaqytta tez jáne tolyq emdeldi delingen.
Búgingi kúni aýqymdy ǵylymi zertteýler júrgizildi, olardyń nátijeleri Nature ǵylymi jýrnalynda jariialandy. Zertteý nátijeleri kórsetkendei, perikardit nemese miokardit qaýpi shamamen 1:50 0000 quraidy. Osy málimetterdi alý úshin zertteýshiler Izrailde 2020 jylǵy jeltoqsannan 2021 jylǵy mamyrǵa deiin Pfizer/BioNTech vaktsinasyn alǵan 16 jastan asqan adamdar týraly aqparatty taldady. Alynǵan málimetter, sondai-aq, 95% jaǵdaida perikardit pen miokardit óte jeńil túrde ótip, saldary bomlaitynyn kórsetti.
COVID-19 qarsy vaktsinatsiialaý men onkologiialyq aýrýlardyń bailanysy týraly qaýesetter tolyǵymen negizsiz jáne ony ǵalymdar men faktchekerler birneshe ret teriske shyǵarǵan.
Ǵylymi derekterge sáikes, KVI qarsy vaktsinatsiia onkologiialyq aýrýlardyń damý yqtimaldyǵyn arttyrmaidy. Sonymen qatar, qaterli isik aýrýyna shaldyqqan adamdardyń aitýynsha, olardyń jaǵdaiy vaktsinatsiiadan keiin nasharlamaǵan, sondai-aq isikterdiń kóbi aitarlyqtai ózgergen joq.
Demek, Comirnaty vaktsinasy júrek qaterli isigine ákeledi degen aqparat ótirik.
