Koronavirýsqa qarsy ekpeniń aralyq dozasyn bastapqy vaktsinalaý aiaqtalǵannan keiin úsh aidan keiin egýge bolady. Muny Eýropalyq dári-dármek agenttigi usyndy, dep habarlaidy QazAqparat Euronews agenttigine silteme jasap.
Budan erterek eýropalyq retteýshi aldyn alý preparattaryn aralastyra paidalanýdy qoldaǵan bolatyn. Sońǵy sheshimdi ulttyq retteýshi organdar qabyldaidy.
«Qazirgi jaǵdai boiynsha, aralyq dozany (revaktsina-avt.) alty aidan keiin saldyrtýǵa keńes berilgen. Alaida qazirgi kezde qolda bar aqparatqa sáikes, qoǵamdyq densaýlyq saqtaý jón dep tapsa, aralyq dozany bastapqy vaktsinalaý aiaqtalǵannan keiin úsh aidan keiin egýge bolady», - dedi EMA Densaýlyqqa qaýip jáne vaktsinalaý strategiiasy departamentiniń basshysy Marko Kavaleri.
DDSU mindetti vaktsinalaýdy sońǵy shara dep sanaidy, degenmen Aýstriia biligi 14 jastan joǵary el azamattaryna ekpe saldyrýdy mindettep otyr. Atalǵan sanatqa aiaǵy aýyr áielder, alty ai ishinde aýyryp shyqqandar jáne ekpe saldyrýǵa ruqsaty joq adamdar kirmeidi.
Portýgaliia biligi 21 áýe kompaniiasy men 600 jolaýshyny sanitarlyq talaptardy buzǵany úshin jaýapqa tartty. 1 jeltoqsannan bastap áýejaiǵa qonǵan barlyq týrister koronavirýs testiniń teris nátijesin usynýy tiis. Eger azamat testileýden ótpegen bolsa, áýe kompaniiasyna aiyppul salynady. Bul ereje 9 qańtarǵa deiin qoldanysta bolady.
