Eýropada shekteýler jeńildetile bastaǵanymen, munda koronavirýstyń ekinshi tolqynynan zardap shekpeý úshin jańa sharalar qabyldanýda, - dep habarlaidy "Ult aqparat" Euronews-ke silteme jasap.
8 maýsymnan bastap Ulybritaniiaǵa shetelden kelgen barlyq adam eki aptaǵa sozylatyn karantinge oqshaýlanady. Eger kelýshi óz azamaty nemese sheteldik azamat bolsa da bilik organdaryna qaida aialdaitynyn aitýǵa mindetteledi. Jeke oqshaýlanýdan bas tartqan adamdar 1 000 eýrodan astam aiyppul tóleidi.
Bul mindetten tek meditsinalyq qyzmetkerler, taýar jetkizetin júk kólikteriniń júrgizýshileri, maýsymdyq jumysshylar men men issaparda júrgen sheneýnikter bosatylady.
Britandyq bilik bastapqyda karantinniń jańa rejimi Birikken Koroldikke Frantsiiadan kelýshilerge taralmaitynyn málimdegen edi. Biraq bul sheshimniń sebebi aitylmady.
La-Mansh buǵazynyń qarsy jaǵalaýynda katolikterdiń dini merekesine orailastyrylǵan uzaq demalys kúnderi ótip jatyr. Jaǵajailarda baqylaý kúsheitilgen. Frantsiianyń Diýnkerk aimaǵynyń Bre-Diýn kommýnasynda demalýshylar shekteýdi elemesten kúnge qyzdyrynyp jatyr.
Genýia teńiziniń jaǵalaýynda da tek sýǵa shomylyp, sportpen ainalysýǵa ruqsat etilgen. Jergilikti turǵyndardyń qajetti áleýmettik qashyqtyqty saqtaýy úshin jaǵajailar arqanmen bólingen. Ony buzǵandarǵa aiyppul salynady.
Portýgaliiada Lissabonnan 25 shaqyrym jerdegi Kapkaish qalasy jazǵy maýsymǵa daiyndalýda. Jergilikti bilik barlyq turǵyndardy COVID-19 antidenesiniń bar-joǵyn teksermek. Eki ailyq karantinnen keiin elde dámhana, meiramhana jáne kóptegen dúkender qaita ashyldy.
