Qazaqstandaǵy Eýropalyq Odaq ókildigi tuńǵysh ret «Eýropa áleminde» atty ertegiler jinaǵyn qazaq tilinde jaryqqa shyǵardy, dep habarlaidy "Ult aqparat".
Kitapta Eýropanyń mádeni murasynyń biryńǵai toptamasy retinde Eýropalyq Odaq elderiniń ańyzdary men basqa da dástúrli ertegileri jinaqtalǵan. Kitaptyń maqsaty – Eýropa halyqtarynyń tańǵajaiyp halyq dástúrleriniń ortaq negizin tabý, sonymen birge Eski qurlyqtyń qundylyqtarynyń birligin kórsetý.
Kitapta Eýropalyq Odaqqa múshe 27 eldiń árqaisysynyń halyq ertegileri, ańyzdary, ári naqyl sózderi keltirilgen, sol arqyly olar ortaq ejelden kele jatqan mádeni sabaqtastyǵyn kórsetedi. Jinaqtaǵy keibir asa sirek kezdesetin ertegiler qazaq tilinde tuńǵysh ret jariialanyp otyr. Atalmysh kitapta batyrlar, aidaharlar, periler týraly ne halyq ázil –syqaǵyna toly túrli hikaialardy kezdestirýge bolady.
«Qazaqstandyq oqyrmannyń basym kópshiligi osy ertegilermen tanys ekenine senimdimin. Mádeniet shekara talǵamaidy, qurlyqtarǵa, keide odan da tys aimaqtarǵa óris jaiady. Sol sebepti bizdiń uqsastyǵymyz biz oilaǵannan da kóbirek. Bul kitaptyń maqsaty - osy bailanysty kórsetý», - deidi Eýropalyq Odaq Elshisi Sven-Olov Karlsson.
Kitap boiynsha jumys jarty jyl júrgizildi. Barlyq illiýstratsiiany Qazaqstan Sýretshiler Odaǵynyń músheleri, daryndy apaly-cińili Ǵaliia jáne Balqiia Qusaiynovalar saldy.
«Eýropa álemin beineleitin sýretter arqyly oqyrmandar ertegi keiipkerlerimen júzdesip, col zamannyń siqyr men qiial álemine jol ashady dep úmittenemiz», - dep atap ótti Ǵaliia jáne Balqiia Qusaiynovalar.
Kitaptyń tusaýkeserine arnaiy Qazaqstandaǵy Eýropalyq Odaq Ókildigi onlain naýqanyn jariialady. Kúndelikti Ókildiktiń áleýmettik jeli paraqshalarynda EO-ǵa múshe memleketterdiń Elshileri beinerolik formatynda ertegilerdi oqyp, Eýropanyń ǵajaiyp ertegiler álemine oqyrmandardy saiahattaýǵa shaqyrady.
«Eýropa áleminde» ertegiler kitabynyń elektrondy nusqasyn myna siltemege kirip, oqi alasyz.
