Koronavirýspen aýyrǵandardy emdeý jáne olarmen bailanysta bolǵandardy oqshaýlaý maqsatynda respýblika boiynsha 33 myńnan astam oryn qarastyrylǵan. Bul týraly QR bas memlekettik sanitar dárigeri Aijan Esmaǵambetova QR Densaýlyq saqtaý ministrliginiń media ortalyǵynda ótken tikelei efirde aitty, dep habarlaidy "Ult aqparat".
«Koronavirýsty anyqtaityn qazaqstandyq test jasaldy. Olar shyǵarýǵa da daiyn, alaida onyń ereksheligin anyqtamai jatyp kóp mólsherde shyǵarýdy maqsat etip otyrǵan joqpyz. Qazirgi kezde onyń sapasyn anyqtaý jumysy júrgizilip jatyr», - deidi QR Bas memlekettik sanitar dárigeri Aijan Esmaǵambetova.
Onyń aitýynsha, tótenshe jaǵdai rejimi aiaqtalǵanmen, karantin sharalary júrgizile beredi.
«Bastysy - araqashyqtyq pen gigiena saqtaý kerek. Koronavirýspen aýyrǵandardy emdeý jáne olarmen bailanysta bolǵandardy oqshaýlaý maqsatynda respýblika boiynsha 33 myńnan astam oryn qarastyrylǵan. Onyń ishinde naýqas adamdar úshin - 6 myńǵa jýyq oryn, aýrýǵa kúdiktilerdi jatqyzý úshin - 8 myńǵa jýyq provizorlyq oryn jáne 20 myń karantindik oryn bólindi», - deidi ol.
