Sporttyq nysandar tek jattyǵý sharalary úshin ashylady. Bul týraly QR Bas memlekettik sanitar dárigeri Aijan Esmaǵambetova málim etti, dep habarlaidy QazAqparat.
«Adamdar kóptep jinalatyn oiyn-saýyq, mádeni-buqaralyq sharalardy ótkizýge tyiym salynǵan. Sebebi qazirgi kezdegi indetke shaldyǵýdyń deńgeii shekteýlerdi tolyqtai alyp tastaýǵa múmkindik bermei tur», - dedi A. Esmaǵambetova onlain baspasóz máslihatynda.
Onyń sózine qaraǵanda, basseinderdi ashýǵa da tiisti talaptar qarastyrylǵan.
«Búginde basseindegi árbir adamda 5 sharshy metrden kem emes aýmaq bolýy tiis. Bul óz kezeginde adamdardyń arasyndaǵy araqashyqtyqty qamtamasyz etedi. Bassein aýmaǵyna qarai oǵan baratyn adamdar sany retteledi», - dedi ol.
«Akvaparkterde jáne jaǵajaida araqashyqtyqty saqtaý aitarlyqtai qiyndaý ekenin túsinemiz. Alaida, shezlongtar, kez kelgen jaǵajai jabdyqtary demalýshylar arasynda 1,5 metrlik araqashyqtyqty saqtap ornalastyrylýy týraly talaptardy qoiamyz. Sondyqtan jaǵajaidyń aýmaǵyn eskere otyryp, oǵan jiberiletin adamdardyń sany nazarǵa alynady, iaǵni olardyń sany turaqty baqylaýda bolady», - dedi A. Esmaǵambetova.
