«Dármek» operatsiiasy barysynda esirtkiniń zańsyz ainalymyna qatysty 77 qylmys anyqtaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
Resmi ókildiń aitýynsha, «Dármek» arnaiy aýqymdy operatsiiasy barysynda esirtkiniń zańsyz ainalymyna qatysty 77 qylmys anyqtaldy. Onyń ishinde 38-si ótkizý faktisi bolsa, asa iri mólsherde esirtkini saqtaý boiynsha 15 fakti tirkeldi, 3 kontrabandalyq áreket áshkerelendi.
«Máselen, Shyǵys Qazaqstan oblysynyń politseileri oblys ortalyǵynyń turǵynyn ustap, úiine tintý júrgizgen kezde 10 kelige jýyq gashish taýyp aldy. Barlyq anyqtalǵan faktiler boiynsha qylmystyq ister qozǵaldy», - dedi Nurdildá Oraz aptalyq brifing barysynda.
