Foto: Pexels.com
Astanada 2020 jyldyń sońynda ómirden ozǵan tanymal karate sheberi Jastalap Sanaýovtyń esimine qatysty sotta daýly másele týyndady. Ol qaitys bolǵannan keiin, onyń esimin kommertsiialyq maqsatta paidalaný jóninde talas bastaldy, dep habarlaidy Ult.kz Joǵarǵy sottyń baspasóz qyzmetine silteme jasap.
Qazaqstan karate quramasynyń bas bapkeri qaitys bolǵannan keiin eki ai ótken soń, onyń jesiri marqum jubaiynyń atymen taýar belgisin tirkeýge ótinish berdi. Ol bul belgini alty túrli ónim, sonyń ishinde baspa materialdary, sývenirler, marketing, kiim-keshek jáne kórmelerdi uiymdastyrý úshin paidalanýdy josparlady. Toǵyz aidan keiin sportshynyń jesiri taýar belgisine resmi quqyq aldy.
Alaida marqum sportshynyń ákesi taýar tańbasyn tirkeýmen kelispegendikten, Ádilet ministrliginiń apelliatsiialyq keńesine atalǵan sheshimge qatysty shaǵym túsirgen. Onyń shaǵymy qabyldanbady.
Astana soty men apelliatsiialyq instantsiia ákeniń talabyn qoldap, onyń talap-aryzyn qanaǵattandyrdy. Ádilet ministrliginiń bul sheshimge kassatsiialyq instantsiiada shaǵymdaný áreketteri nátijesiz aiaqtaldy. Joǵarǵy sot tómengi satydaǵy sottardyń sheshimderin zańdy dep rastady.
«Daýly taýar belgisin tirkeý jáne apelliatsiialyq keńestiń qarsylyqtardy qaraýy barysynda muragerlerdiń (ata-anasy men balalarynyń) quqyqtary men zańdy múddeleri eskerilmegen, olar tikelei týystyq bailanys arqyly uldarynyń jáne ákeleriniń ataqty esimin paidalaný quqyǵynan aiyrylǵan. Bul adaldyq, parasattylyq, ádildik pen adamgershilik qaǵidalaryn buzady, óitkeni mundai árekettiń saldary ákimshilik protseske qatysýshylar múddeleriniń teńgeriminiń ádiletsiz bólinýine ákep soqqan», — dep túsindirdi sot organy.
Osylaisha, Ádilet ministrliginiń shaǵymy negizsiz dep tanylyp, sportshynyń ákesi paidasyna qabyldanǵan barlyq sheshimder óz kúshinde qaldy.
