Jeli qoldanýshylary Esik qalasynyń kóshe kezip júrgen jairanyń (kirpiksheshen túri) videosyn taratty, dep habarlaidy "Ult aqparat".
«Bizdiń Esik qalasyndaǵy Abai kóshesin jaira kezip júr», - dep jazdy Instagram-daǵy @novosti_issyka paraqshasy.
Ekologiia, geologiia jáne tabiǵi resýrstar ministrligi atalmysh video týraly túsinikteme berdi.
«Qazaqstan faýnasynda bul tuqymnyń jalǵyz túri Mańǵystaýdyń ońtústiginde, Talas, Qyrǵyz jáne Ile Alataýynda, Qarataýda, Shý-Ile taýlarynda kezdesedi. Almaty oblysynyń aýmaǵynda Ile Alataýynda kezdesedi. 20 ǵasyrdyń birinshi jartysynda Almaty qalasynyń mańynda keń taraǵan. Taralý aimaǵy Túrgen ózeniniń alqabyna deiingi aýmaqty qamtidy. Nátijesinde antropogendik faktor óziniń tarihi aýmaǵynan yǵystyryldy», - deidi vedomstvonyń baspasóz hatshysy Samal Ibraeva.
Ile-Alataý memlekettik ulttyq tabiǵi parkiniń derekteri boiynsha, Ile Alataýy men oǵan irgeles aýmaqtar sheginde Úndi jairasynyń sany shamamen 30-dan asady.
