Qaraǵandy oblysynda dalada joǵalǵan jasóspirimdi qutqarǵan politsei oqiǵanyń qalai bolǵanyn aityp berdi, dep habarlaidy "Ult aqparat" Polisia.kz resýrsyna silteme jasap.
16 aqpanda Qaraǵandy oblysy Jańaarqa aýdanynyń politsiia bólimine 14 aqpanda qystaqtan 16 jasar jasóspirimniń shyǵyp ketip, qaityp oralmaǵany týraly habarlama túsken.
Atalǵan aqparat túsken sátten bastap politsiia qyzmetkerleri jedel-izdestirý sharasynyń tolyq keshenin uiymdastyryp, barlyq kúsh-quraldardy balany izdeýge jumyldyrdy.
Balanyń ata-anasy eki kún boiy óz kúshimen izdegen, alaida odan nátije bolmaǵan. Politseiler birneshe topqa bólinip, eki kúnnen beri habar-osharsyz ketken jasóspirimdi izdeýge kirisken.
Izdeý sharalaryna Jańaarqa aýdany Bidaiyq kentiniń ýchaskelik politsiia inspektory Jubanysh Júnisbekov te jumyldyrylǵan.
Ýchaskelik politsiia inspektory turatyn aýyl bala joǵalǵan Aqtaý aýylynan 150 shaqyrym qashyqtyqta ornalasqan.
Ýchaskelik politsei izdeýge úsh toptyń avtokólikpen attanǵanyn, al ol óziniń serigi Jańaarqa aýdanynyń PB ýaqytsha ustaý izoliatorynyń qyzmetkeri Kami Ýskenbaev ekeýiniń atpen shyqqanyn jetkizdi.
– Ol jerler taý-tasty bolǵandyqtan attarmen izdeý ońaiyraq boldy. Biz balanyń ata-anasynyń úiinde bolǵanda olardyń qanshalyqty úmitterin úzgenin kórdik, olar taný úshin balanyń kiiminiń qaldyǵyn nemese máiitin tabýdy surady. Dalalyqta qasqyrlar bar, al jasóspirim bala eki kúnnen beri jalǵyz, ony tiri kúiinde tabý ǵajaiypqa teń edi. Izdeý jumystary tańda bastaldy. Keibir jerlerde aiaq kiim izderi kezdesti, biraq izdeý jumystary bizge deiin de júrgizilgendikten, bul aýyl turǵyndarynyń izi bolýy ábden múmkin edi. Sondai-aq joǵalǵan bala kamýfliajdy kiim kigendikten, bul izdeý jumystaryn odan ári qiyndatty, – deidi Júnisbekov.
Aýa raiy da balany tabý jumysyn qiyndatty, kún aiazdy ári jeldi bolǵanyn aita ketý kerek.
Túnde aýa temperatýrasy óte tómen boldy, sondyqtan ýaqyt tyǵyz edi.
– Atpen júrip, ony atymen aiǵailap shaqyrdyq. Biz óz jańǵyryǵymyzdy estip júrgendikten, qiyn boldy. Serigimiz ekeýmiz árbir tasty, shómeleni zerttedik, balany baiqamai qalmaitynymyzǵa senimdi bolýymyz kerek edi. Kesh batyp kele jatty, kún batqannan keiin munda izdeý múmkin emes bolatyn. Bailanys bolǵan joq, baǵdarymyzdan jańyldyq, alaida biz qarańǵy batqansha izdeýdi jalǵastyra berdik. Tastaqta júrý attarǵa qiyn boldy, biz attan túsip, kezdesken shómeleni tekserýge bardyq. Sol jerde biz onyń kúrteshesin kórdik, – deidi ýchaskelik politsei.
Jubanysh Júnisbekov sol sátte óz júreginiń dúrsilin estimei qalǵanyn esine alady. Jaqyndap kelip, ol balanyń tiri ekenin baiqaǵan.
Jasóspirim yzǵarly jelden yqtasyn izdep, jerde tastardyń arasynda jatqan.
– Bizdiń qandai kúide bolǵanymyzdy aityp jetkize almaimyn. Ony kóterip alyp, qushaqtap, qol-aiaǵyn ysqyladyq, atyn atadyq. Bala únsiz turdy. Ol shok jaǵdaiynda boldy, sebebi ol bizdiń kim ekenimizdi, ony qalai tapqanymyzdy túsinbei turdy. Alǵashqy jarty saǵatta biz oǵan bir aýyz sóz de aitqyza almadyq. Ol tipti qorqyńqyrap turdy. Artynan ol bizdi galliýtsinatsiia eken dep oilaǵanyn aitty, – dedi Jubanysh.
Jasóspirim óziniń dalalyqta adasyp qalǵanyn jáne ainalshyqtap uzaq júrgenin aitty.
Ol tek túnde ǵana sharshaǵandyqtan ári tońǵandyqtan shómelege kirip jylynbaq bolǵan, alaida oǵan jan-jaqtyń bárinen qasqyrdyń ulyǵany estilip turǵan.
Ol jabaiy ańdardan qorqyp júre bergen jáne jaqyn arada óz betimen úiine jete almaitynyn tez túsingen.
– Ol esin jiǵan kezde jylap, pogondarymdy sipalap, rahmet aita bastady. Men forma kiip alǵan bolatynmyn jáne ony tapqan kezde men oǵan pogonym men arqamdaǵy «Politsiia» degen jazbany kórsetip, ózin izdep júrgenimizdi túsindirgen edim, – deidi ýchaskelik politsiia inspektory.
Tabylǵan balany atqa mingizip, olar tezdetip aýylǵa bet alǵan.
– Biz aýylǵa kele jatqanda ony kúldirýge tyrystyq, ázilder men ómirde bolǵan kúlkili jaittardy aittyq. Biz ony tezirek qalpyna keltireiik dedik. Qorqynyshty jaittyń bitkenin jáne onyń ómirine endi qaýip joq ekenin sezingenin qaladyq. Al beinejazbany ózimizdiń baqytty sátimizden estelik úshin túsirdik. Beinejazbany áriptesterime kórsettim, olar basshylyqqa bergen. Men beinejazba bulai tez taralady dep oilaǵan joqpyn, – deidi ol.
Tártip saqshylarynyń aitýynsha, jasóspirimdi úiine jetkizgen kezde anasy ony qushaǵynan kópke deiin shyǵarmaǵan.
Jańaarqa aýdanynyń Bidaiyq aýylynyń ýchaskelik politsiia inspektory
Jubanysh Júnisbekov politsiiada 2009 jyldan beri qyzmet atqarady. Kelinshegimen birge úsh qyz tárbielep otyr, onyń eń kishisi eki jasta ǵana.
Onyń sózinshe, áriptesteri ony «joly bolǵysh jigit» dep te ataidy eken, sebebi ol júrgizgen izdeý jumystarynyń basym bóligi nátijeli bolǵan.
