«Ertis» fýtbol klýbymynyń salyq qaryzy týraly aityldy, dep habarlaidy pavlodarnews.kz.
Pavlodar oblysy týrizm jáne sport basqarmasynyń basshysy Marat Aidashev klýbqa qarjy quiýdyń komandanyń qazirgi jaǵdaiyn nege qutqara almaityny týraly egjei-tegjeili aityp berdi.
«Tipti biz Pavlodar oblysynyń Qurmetti azamaty Dimitar Dimitrovpen kelisetin bolsaq jáne ol bizge barlyq aqshany keshirgen jaǵdaidyń ózinde jaǵdai ózgermeidi. Eger de bizdiń legionerlerimiz bizge munyń bárin keshirip, ketip qalǵan kúnniń ózinde salyq boiynsha túsetin milliard teńgeden astam qarjy jelge ushady. Bul - is júzinde múmkin emes. Jáne olar salyqty demeýshilerden, barlyǵynan da jasyrdy. Salyq bereshegine keletin bolsaq, aýdit nátijeleri boiynsha tek 2019 jyly 940-950 mln teńge boldy, oǵan qosa qazir 200 mln teńge qaryz bar. Qazir milliardtan astam teńge, salyqshylar esepshottardy tutqyndap, klýb esebine túsetin barlyq qarjyny osy bereshekti óteý esebine tastap ketetinin aitqym keledi» - deidi Marat Aidashev.
Eske salsaq, buǵan deiin biz Pavlodardyń «Ertis» klýby fýtboldan Qazaqstan chempionatyna qatysýdan bas tartqany jáne klýbta qarjylai qiynshylyqtar bar ekeni týraly habarlaǵan bolatynbyz.
Aita ketsek, komanda 1965 jyly qurylǵan. Qazaqstan chempionatynda 1993, 1997, 1999, 2002, 2003 jyldarda chempion atansa, 1994, 1996, 2004, 2012 jyldarda kúmis júldeger boldy. Al 1992, 1998, 2000, 2008, 2010, 2016 jyldarda qola júldege qol sozdy.
«Ertis» biylǵy chempionatta eki oiyn ótkizdi. Aldymen Qyzylordada jergilikti «Qaisardan» 0:1 esebimen jeńilse, odan keiin óz alańynda Petropavldiń «Qyzyljar» klýbymen 1:1 esebimen teń tústi. Týrnir kestesinde 1 upaimen toǵyzynshy orynda turǵan bolatyn.
