Eýraziialyq integratsiia institýtynyń direktory Erlan Sairov Memleket basshysynyń Saiasi qýǵyn-súrgin jáne asharshylyq qurbandaryn eske alý kúnine orai úndeýine pikir bildirdi, dep habarlaidy "Ult aqparat".
«El Prezidenti Qasym-Jomart Toqaev saiasi qýǵyn-súrgin qurbandaryn aqtaý úshin arnaiy memlekettik komissiia qurady. Menińshe, durys sheshim. Ǵylymi kózqaras turǵysynan alyp qaraǵanda jappai qýǵyn-súrgin men asharshylyqtyń kóptegen aspektileri áli de zerttelmegen. Sonymen qatar jazyqsyz qýǵyn-súrginge ushyraǵan kóptegen esimderdi aqtaý qajet. Bul – bizdiń olardyń aldyndaǵy paryzymyz», - dep jazdy Erlan Sairov Facebook-paraqshasynda.
Onyń atap ótýinshe, tarih aldynda barlyq kezde jaýapty bolý qajet. Sondai-aq tarihtyń aqtańdaq betterin ashý aldaǵy ýaqytta mundai jait qaitalanbaý úshin mańyzdy.
«Bul – barlyǵy óz mánin joǵaltqan kezeń bolatyn. Biz sol mándi qaita qalpyna keltirýge tiispiz», - dedi ol.
