Erteń, 22 aqpanda densaýlyq saqtaý vitse-ministri – QR Bas memlekettik sanitarlyq dárigeri Erlan Qiiasov pen Densaýlyq saqtaý vitse-ministri Ajar Ǵiniiat Nur-Sultandaǵy №6 qalalyq emhanada koronavirýs infektsiiasyna qarsy «Spýtnik V» vaktsinasynyń ekinshi dozasyn saldyrady, dep habarlaidy QR Densaýlyq saqtaý ministrliginiń Instagram-daǵy akkaýnty.
«Densaýlyq saqtaý ministrligi sanitarlyq talaptardy saqtaý maqsatynda vaktsina salatyn meditsinalyq nysanǵa BAQ ókilderiniń kirýine shekteý qoiady.
Saǵat 9-00-de Habar24 telearnasy oqiǵa ornynan tikelei transliatsiia jasaidy jáne Densaýlyq saqtaý ministrliginiń Facebook resmi paraqshasynan: kóre alasyzdar», dep jazady ministrlik.
Esterińizge sala keteiik, A.Ǵiniiat pen E. Qiiasov koronavirýs infektsiiasyna qarsy vaktsinanyń alǵashqy dozasyn 2021 jylǵy 1 aqpanda №6 qalalyq emhanada alǵan bolatyn.
Buǵan deiin habarlaǵanymyzdai, 1 aqpannan Qazaqstanda halyqty erikti túrde kezeń-kezeńmen vaktsinatsiialaý naýqany bastaldy. «Spýtnik V« vaktsinasynyń birinshi partiiasy Qazaqstanǵa 22 myń doza kóleminde jetkizildi jáne óńirlerge taratyldy.
Vaktsinany kámeletke tolǵan azamattar ǵana alady. KVI-ǵa qarsy vaktsinatsiia 2021 jyldyń sońyna deiin jalǵasady, oǵan 6 mln adam qatysady dep josparlanýda.
