Qazaqstan Respýblikasy Prezidentiniń kómekshisi Erlan Qarin jumys saparymen Mańǵystaý oblysynda boldy. Bul týraly ákimdiktiń jelidegi paraqshasynda habarlandy.
Sapar barysynda E.Qarin Memleket basshysynyń tapsyrmalaryn oryndaý boiynsha jergilikti atqarýshy organdarmen birqatar kezdesýler ótkizdi. Aimaqta vaktsinatsiiany, ulttyq halyq sanaǵyn uiymdastyrý, áleýmettik mańyzdy ónimderge baǵany turaqtandyrý jáne ózge de ózekti máseleler qarastyryldy.
Sonymen qatar, Prezident kómekshisi qoǵam belsendilerimen, shyǵarmashylyq ziialy qaýymmen, Prezidenttiń jastar kadrlyq rezerviniń ókilderimen kezdesýler ótkizilip, Mańǵystaý óńirin damytýdyń negizgi tetikterin pysyqtady.
Jumys sapary aiasynda E.Qarin Jańaózen qalasyna, Munaily aýdanyna, Batyr jáne Qyzyltóbe aýyldaryna baryp, eldi mekenderdiń áleýmettik-ekonomikalyq damýy boiynsha birqatar jiyndar ótkizdi.
