«Belgili kompozitor Erkesh Shákeev ulyn izdestirýge atsalysqan dostaryna, eriktilerge jáne politsiia qyzmetkerlerine alǵys aitty», — dep habarlaidy kaz.tengrinews.kz tilshisi.
Aita keteiik, Safar Shákeevpen qoshtasý rásimine kompozitordyń dostary, jaqyndary, áriptesteri jáne tanystary Safardyń týystaryna kóńil aitýǵa keldi. Qoshtasýǵa Shákeev otbasynyń dostary keldi, olardyń ishinde Bolat Ábilov, Arman Shoraev, Baýyrjan Shúkeev, Viktoriia Momynbaeva, Naǵima Esqalieva bar.
24 jastaǵy Safar Shákeevpen qoshtasý rásiminde onyń ákesi ulynyń jan-jaqty bolǵanyn aityp ótti. «Onyń jospary kóp edi. Ol amerikalyq kino institýtyna túspekshi boldy. Safar birinshi týrdan ótkende, olar oǵan úsh jyl ótili bolýy kerek ekenin aitqan edi», — dedi Shákeev.
Sodan ol Safardyń jetken jetistikterine toqtaldy. Olardyń arasynda álem chempionattarynda jáne karateden, bokstan, erkin kúresten, akademiialyq esýden, djiý-djitsýdegi birinshilikterde jetken jetistikteri aityldy. Sporttyq jeńisterden basqa Safar halyqaralyq kinofestivaldarda óziniń qysqametrajdy eńbekterimen júldeli oryndarǵa ie bolǵan eken.
«Osynda kelgenderińiz úshin raqmet. Bul biz úshin óte mańyzdy. Izdestirý jumystaryna barynsha atsalysqan adamdarǵa alǵys aitamyn. Onyń dostaryna, ózimniń dostaryma alǵys aitqym keledi. (…) Biz qarapaiym otbasymyz, biz de sizder siiaqty kúndelikti ómirdiń turmysymen júremiz. Men árqashan otbasym úshin, qoǵam úshin eńbek etip júrgenime senetinmin. (…) Politsiia qyzmetkerlerine alǵys aitqym keledi. Olar Safardy izdestirýge barynsha kómektesken naǵyz erler. UQK, Ulttyq ulannyń sarbazdary da izdestirdi. Bir-birimizdi súieiik. Bul ómirde súiispenshilikten basqa esh nárse joq. Safar sondai jigit bolatyn», — dedi Shákeev.
«Ol qyrsyqqa uryndy. (…) Balalaryńyz dos tańdai bilsin, olarǵa keri áser etetin adamdarmen dos bolmasyn. Ondai adamdardy birden baiqaisyń. (…) Meniń sizderge keńesim: bir-birińizdi súiińizder. Dostardy baǵalaý kerek, dosty qaldyrmaý kerek. Safar qandai jaǵdai bolsa da, dosyn tastap ketpes edi. Biikterden kóringen adamdar úshin qýaný kerek. Kórealmaýshylyq bolmaý kerek. Safar adamgershiligi mol, meiirimdi adam bolatyn. Barlyǵyńa qamqor bolyp júretin. (…) Ómirdegi eń aýyr nárse — óz balańnan aiyrylý. Men árqashan ózimniń adal ómir súrip, eshkimdi renjitpegenime senip keldim. (…) Ótinemin, bir-birlerińizdi súiińizder. Jaǵymsyz emotsiialardyń barlyǵynan arylyńyzdar. Jaman adamdarmen bailanyspańyzdar», — dedi Erkesh Shákeev.
Osyǵan deiin Safar Shákeevtiń máiiti Esentai ózeninen tabylǵany habarlanǵan bolatyn. Onyń óliminiń sebebin anyqtaý maqsatynda sot-meditsinalyq saraptama júrgizildi.
Shákeevti izdestirý jumystary 12 kúnge sozylǵan. Izdeý jumystaryna 200 adam qatysty. Esentai ózeni, Baǵanashyl jáne Remizovka aýmaǵy tekserildi. Sońǵy ret ony ál-Farabi dańǵylyndaǵy «Kazkommertsbank» ortalyq bólimshesinde tańǵy saǵat 7.00-de kórgender bar. Safar Shákeev qyzǵylt tústi fýtbolka men kók djins kigen. 1991 jylǵy Safar Shákeevtiń iz-tússiz joǵalǵany týraly habar Medeý aýdandyq ishki ister basqarmasyna 2016 jyldyń 16 shildesinde saǵat 22.00-de túsken.
Aita keteiik, politseiler Safar Shákeevti qaltasynan tabylǵan ámiiany arqyly tanyǵan. Máiitti sýdan shyǵarǵan ýaqytta osydan 13 kún buryn joǵalǵan Safar Shákeevke tiesili qujattar, ámiian jáne kiltter tabylǵan bolatyn.
Al búgin 29 shildede Safar Shákeevpen qoshtasý rásimi ótti.
