Belgili kompozitor Erkesh Shákeev BAQ-tar men qazaqstandyqtarǵa úndeý jasady, - dep habarlaidy kaz.tengrinews.kz portaly. Óz úndeýinde ol qaza bolǵan balasy Safar Shákeevke qatysty barlyq jantúrshigerlik videolar, reportajdar jáne sirek jazylyp júrgen jaǵymsyz pikirlerdi óshirýdi suraidy.
"Men, Erkesh Shákeev, sizderdiń otandastaryńyz, óziniń súiikti uly Safardy joǵaltqan adam retinde otbasymdy qaiǵyly oqiǵadan psihologiialyq zaqym keltiretin saldarynan qorǵaý maqsatynda BAQ-tar men keibir azamattarǵa áleýmettik jelilerdiń barlyq túrinen oǵan qatysty jantúrshigerlik videolar, reportajdar jáne sirek jazylyp júrgen jaǵymsyz pikirlerdi óshirý týraly ótinish aitamyn. Sizderden adamdyq qasietterińizdi kórsetip, ótinishime qulaq asýdy suraimyn!
Men áli de bolsa adamdardy jaqsy kóremin, jariia etpei-aq, ómir boiynda osylai, shynaiy kóńilimmen jaqsy kóremin, osy ómirge júrekterdi qýantyp, osy bir qym-qýyt tirshilikterin jeńildetý úshin keldim. Barlyǵyńyzdy osy ótinishime qulaq asýǵa shaqyramyn! Balamdy izdestirý jumystaryna qatysqan jáne maǵan jáne meniń otbasyma jyly sóz aityp, shyn kóńilimen ýaiym keship júrgenderge alǵysymdy aitamyn", - deidi Shákeev.
Sonymen qatar, ol ulynyń qaitys bolý sebebine qatysty málimdeme jasady. "Túrli qaýesetterdiń aldyn alý úshin resmi túrde málimdeimin, meniń ulym Safar Shákeev qaiǵyly oqiǵadan qaza tapty, sebebi ol jergilikti jaǵdailardyń qaýpin bilmei, Esentai ózeniniń eń qaýipti jerinde bolǵan. Qoǵamdy otbasymnyń taǵdyry jaily qaǵyp otyrǵan dabylyma qulaq túrmegen azamattarǵa jáne BAQ-tarǵa qatysty meiirimdilikke shaqyrýǵa arnalǵan belsendi aǵaiyndyq ári azamattyq áreket jasaýǵa shaqyramyn. Baqytty bolyńyzdar. Mundai jaǵdai eshkimniń basyna bermesin. Balama bergen jylýlaryńyz óz balalaryńyzdy saqtasyn! Jaratqan otbasylaryńyzdy saqtasyn!", - delingen úndeýde.
Eske salaiyq, 28 shilde saǵat 11.00 shamasynda Safar Shákeevtiń máiiti Esentai ózeninen tabylǵany habarlanǵan bolatyn. Máiittiń kim ekendigi birden anyqtalǵan, sebebi sýdan shyǵarǵan ýaqytta osydan 14 kún buryn joǵalǵan Safar Shákeevke tiesili qujattar, ámiian jáne kiltter tabyldy. Óliminiń sebebin anyqtaý úshin sot-meditsinalyq saraptama júrgizilip jatyr.
