Tanymal aktrisa Janel Maqajan áleýmettik jelidegi paraqshasynda kúieýinen bólek ketkenin málimdedi, dep habarlaidy ult.kz.
Óner iesi qazirgi tańda tórt balasymen birge basqa jerge kóship ketkenin aitty. Onyń sózinshe, bir aiǵa jýyq ýaqyt buryn balalarymen birge bólek tura bastaǵan. Buǵan deiin eki kishkentai balasy bir ai boiy ákesiniń qasynda bolǵan.
«Erińe senbe, eki bosaǵada sen!» degen qazaqtyń naqyl sózin endi tolyq túsingendeimin», – dep jazdy aktrisa.
Janel Maqajan bul kezeńniń ońai bolmaǵanyn aityp, qazir qiyndyqtardyń birtindep artta qalyp kele jatqanyn jetkizdi. Aldaǵy ýaqytta bolǵan jaǵdaidy tolyǵyraq aityp berýge ýáde etti.
Aktrisa endigi maqsaty – ózine jáne balalaryna jaǵdai jasaý ekenin atap ótti.
«Ózgege emes, Allaǵa, ózińe senip ómir súr! Úi al, damy, bala-shaǵamen jaǵdai jasa», – dep jazdy ol.
Sondai-aq Janel Maqajan qyz-kelinshekterge úndeý jasap, áieldiń ómirlik maqsaty tek turmys qurýmen shektelmeýi kerek ekenin aitty.
«Qyzdyń ómirlik máni turmys qurý emes, ómir súrý. Baqytty ómir súrý», – dedi aktrisa.
Janel Maqajan buǵan deiin diktor Abai Asylhanǵa ekinshi ret turmysqa shyqqan edi. Ekeýiniń ortaq balalary bar. Aktrisanyń jalpy tórt balasy bar.
Óner iesi qazirgi ýaqytta kúieýinen ne sebepti bólek ketkenin naqty túsindirmedi. Aldaǵy ýaqytta bul jaǵdai týraly tolyǵyraq bólisetinin aitty.
