Foto: Aijan Alhabek
Ult.kz-te jihankez jýrnalist Dinara Bolattyń ózge paiymy
Sońǵy jyldary bizdiń qoǵamda kózge anyq baiqalatyn ózgeris bar. Eresek adamdardyń jattyǵý jasap, jaiaý júrýdi ádetke ainaldyrýy qalypty qubylysqa ainaldy. Buryn mundai kórinisterdi kóbine sheteldik filmderden nemese Eýropa, Aziia elderiniń ómir saltynan kóretinbiz. Al búginde óz ainalamyzdan jii kóretin kórinis.
Foto: Aijan Alhabek
Dárigerlerdiń qarttyqpen keletin túrli aýrýdyń aldyn alý mádenietin nasihattaýy, úlken qalalardaǵy infraqurylym damyp, saiabaq, jaiaý júrginshi joldardyń qoljetimdiligi eresekterge oń áser etip, áleýmettik jelidegi paidaly kontent adamdarǵa qozǵalystyń mańyzyn túsindirdi. Al pandemiia kezeńi immýnitet pen densaýlyqtyń mańyzyn eriksiz kórsetti. Qoǵam emdeýge ketken shyǵynnan góri aldyn alýdyń tiimdi ekenin uǵyna bastady.
Osylaisha óz qarttyǵyn nemere baǵýmen ǵana bailanystyryp kelgen úlkenderimizde ádemi, belsendi qartaiý túsinigi kúsheiip keledi. Qazirgi 50–60 jastaǵy býyn ózin álsiz nemese qajetsiz sezinbeidi. Tańǵy serýen, jeńil júgirý, fitnes nemese skandinaviialyq júris júrek bulshyqetin kúsheitip, qan qysymynyń tómendetip, qan ainalym, holesterin deńgeiin jaqsartýǵa paidasy zor ekenin túsindi.
Paiym
Bir qýanarlyǵy sapaly, ádemi qarttyqqa jol salǵan eresekter qatary kúnnen kúnge kóbeiýde. Bir aiyby Shymkentte tańmen saiabaqqa jattyǵý jasaýǵa jinalǵan úlkenderdiń politseilermen qýylýy. Órkenietti elder qariialarynyń ózin qoǵamda qajetsiz sezinbes úshin jan-jaqty jaǵdai jasady. Bizdiń úlkender esh úgit nasihatsyz ózdiginen sapaly ómirge kelip jatqanda qoǵam men bilik tarapynan osy ózgeristi qabyldap, qoldaityn túsinik, amaldyń bolýy áste mindetti.
Dinara Bolat
.jpg)
