Foto: El.kz
Qazaqstanǵa keletin shetel azamattarynyń qaýipsizdigin qamtý maqsatynda jańa platforma iske qosyldy. Bul týraly Ishki ister ministrligi habarlaidy.
"Memleket basshysy jaqynda ótken Úkimettiń keńeitilgen otyrysynda týrizmdi damytýdyń jáne sheteldik qonaqtarǵa qolaily jaǵdai jasaýlyń strategiialyq mańyzyn atady. Ishki ister ministrligi elge keletin týristerdiń qaýipsizdigin qamtamasyz etýdi jalǵastyryp keledi. Endi árbir sheteldik qonaqqa elge kirgen boida, sondai-aq shekara baqylaýynan ótken kezde elektrondy kóp tildi QR kody bar arnaiy karta beriledi", - dep túsindirilgen videoda.
Vedomstvonyń málimetinshe, sheteldik qonaq QR kodtyń kómegimen portalǵa ótedi, ol jerde qaýipsiz júrip-turýǵa qatysty barlyq aqparat, usynym men paidaly mobildi qosymshalar qoljetimdi.
- QR kody bar alǵashqy kartalar elordanyń áýejaiynda sheteldik qonaqtarǵa tabystala bastady, - deidi ministrlikten.
Safetravel.kz portalynda shetelden keletin azamattarǵa usynylady:
- - politsiiamen jedel bailanys ornatýǵa arnalǵan «102» mobildi qosymshasy, onyń ishinde «SOS» fýnktsiiasy da bar
- - kóshi-qon zańnamasyn saqtaý jónindegi jadynama
- - tanymal qosymshalarǵa silteme jasalǵan qala kartasy
- - resmi taksi men onlain qyzmetterdiń tizimi
- - bailanys operatorlarynyń tizimi jáne olardyń resmi saittaryna silteme
- - ár túrli jaǵdaida áreket etý algoritmderi
- - basqa shuǵyl qyzmet bailanystary, onyń ishinde jedel járdem, órt sóndirý bólimi, biryńǵai qutqarý qyzmeti.
Eske sala ketsek, Qazaqstan byltyr 435 408 adamǵa uialy bailanys operatoryna tirkelip, bank kartasy men shotyn ashýǵa múmkindik beretin jeke sáikestendirý nómirin bergen.
